Mateo 24:37 - NandevaBiblia

³⁷ Noe ikoteri yvy'ĩãrẽrã arape rãĩmipo, jehukui kuareta Tay oujymarã.

Mateo 24:37 Referans Kwoze

2 Pedro 3:6

Yy rupii opa oñehũndi jyve arykai ko yvy ĩãrẽ'õre amavasu ourã.

2 Pedro 2:5

Tũpa hejareiãmbashu reta arykaiva kuaretare, hãrã mboumbashu arykai amavasu yvy ĩãrẽ'iare, koñeĩmba Noé mondojepe, pyrỹmboi'ihea teko jyvache hareka 7 ĩrũre hãndi.

Hebreos 11:7

Noé, Tũpa mbeumashu jehu verã heshambateri verãrã, hendushu, hareka kyje ryheve japo pente varko marẽyva mondojepe verã ñymoña hãndiare. Noé hipity mbai kavikue Tũpa meẽshuva opaite hendushua retape. Hareka hokava jyrojakue rupii Noé japohe kuareta ko yvy'ĩãrẽ jaheahe verã.

Mateo 24:39

Hãrã ñymoãmba ñynoi vekua, ou ãma vãsurã opaite juka reta. Kyrãipo jyvekui kuareta Tay, oujymarã.

Mateo 16:27

Shara kuareta Tay, oujypokui Tuu hĩmbipekue ryheve hareka jokuevare hãndi. Haipe Tũpa meẽposhu pepenteĩ japo vekuare jurureva rãĩmi.

Mateo 24:3

Haivi oho reta ñũũ olivo he'iashuape, Jesús vapy haipe, hareka mboireare ñymboja hai ẽvãpe. Haipe hã'ẽi'õpe pyrãndushu reta: Pota rãnga kuaahave mãrãrapokui vãhẽma reijy verãperã. Mbaivarãnirapo heshahakui vãhẽma hokava arape?

Mateo 24:27

Verava heshava rãĩmi kuarasy ichea kytyve, kyrãpokui vãhẽma ara kuareta Tay oujy verãperã.

Mateo 24:30

Haipe, heshahapo vate arare heshakava kuareta Tay, oumarã. Haivi kyjerã, opa yvy'ĩãrẽ tenta ijare jaheopo shyresha aima ãvãpỹtupyrã, mbaikatu hareka hĩmbipe ryheve.