Mateo 24:21 - NandevaBiblia

²¹ Hãma hetapo iko jyhasa'asy, hasa'asymbateria rãĩmi ko yvy oñepyrõrãvãĩ, hareka ko rãĩmiva jyhasa'asy maipivẽamapo jehukui.

Mateo 24:21 Referans Kwoze

Lucas 21:24

Ĩme'ẽ mano verã kyse pukuva hãĩmbepe, hãrã ĩrũre rahahapo pokuahavape yngavare tentaipi, hareka kuareta jyrojambare opapo mambai Jerusalén, vãhẽpeve Tũpa heishuvape hareka mby'opa verãre.

1 Tesalonicenses 2:16

hareka yryrejãã mbe'uhashu verã Ñee kaviva haimba Judiovare ohojepe verã reta jyve. Kyrã mbyhetave reta mbai porãmba japo vekuare. Tẽvã Tũpa jahemahe retarã javaitepokui.

Mateo 24:29

Ara jyhasa'asy hasamarã, kuarasy ovepokui, jasy sapeveamapokui, jasytatare opapo oakui vateivi, hareka ara vate'õre opapo ryry.

Marcos 13:9

Tẽvã pingareko katu pindijehe. Shara ĩmepo'ẽ pyndypysykarã pyndyrahava mburuvishare hỹnonde hareka punũpa verã Judiore ñymbatyseaipi. Shyryhevaperã pyndyrahapo mburuvisha vasu hareka huvishare hỹnonde, shyreepe piñymbeushu verãre.

Mateo 24:20

Pirureshu Tũpa avy tikokui kova ara ro'yma'iape, hareka putu'uava jy'arape.

Apocalipsis 7:14

She haishu: Sheja nde rãnga rikuaa. Hãrã hai heishe: Kova reta rãnga hai opa jyhasa'asy hasashi vekuare, haire johe mondeva hareka mitĩĩmba reta Avisha Ray huvype.

Apocalipsis 16:18

Haivi ẽẽjy vera vekua, hy'apuva hareka yvyryry vasu kuaretare yvy ĩãrẽ iko jyrerãvaĩ ikomba vekua.