Mateo 23:15 - NandevaBiblia

¹⁵ Tengapope Moisés mbypara vekua pyrỹmboi'iheare hareka fariseore, hova mokue'iare! Peho opa rupii ko yvy'ĩãrẽ hareka yyvasu hỹmbeyipi pyheka pyndyryhevarã hãrã hokava pijapomarã pijaposhi Ãña tay mokuejy pyndyheviva.

Mateo 23:15 Referans Kwoze

Efesios 2:3

Opaite ore kyrã ikoha jyve aryka'e, ikoha'i yryrete hareka yrypyape ñanduva rãĩmi. Yryroo potavaĩ japoha'i, hãme rãnga Tũpa ity yryrehe poshykue, yngavare japohea rãĩmi.

Hechos 13:43

Hãrã opama ñymbatyvarã, heta Israelitava hareka tenta mbyryva hekopekavi jyrojaheva Tũpa mĩ'ĩrũshu Pablo hareka Bernabé, haivi ijetashu reta tãnta jyroja ñynoĩ verã Tũpa jyhaihupe.

Hechos 13:10

heishu: Nde tykove japu heko porãmba Ãña tay hareka mbai kaviva ñymbyvaisho'ihea, mbaipera rypoipo rĩmbivavy Ñandeja hape symỹi kaviva?

Hechos 14:2

Tẽvã Judiore rojambaare mbyposhyka reta haimba Judiore hareka mbyvaishokahe Jesure jyrojavare.

Juan 8:44

Ãña rãnga hai peru, hai ryheva retape hareka potaĩ pijapopishu hai potava; Ãña õñepyrõaivive rãnga hai puruka'ia. Hai japu, hareka he'iavãĩjy añeteva. Hai ijetarã mba'ety vekuaĩ mbeu, japu verãĩ kuaa, shara hai apu tuu, hãrã mbijapu jyve kuaretare.

Galatas 6:12

Opaite pinimiñerã'iare piñichĩchĩka verã, japo pota pyta kavi hãndi kuareta retarã hareka potãã moñahã reta ñee Cristo kurusu ryheva reherã.

Galatas 4:17

Ĩme rãnga'ẽ pyndyraihuva, tẽvã ha'eã haikavi verã pota pyndyreky yryhevi, pota haykue pehorã.

Mateo 5:22

She hai pee, ĩme'ẽ hapisha poshyshuarã rahapo mbivacheha verãpe. Ĩme'ẽ heishua hapisha “Mba'ẽã rikuaa”, rahapo kuakuavare hỹnonde; hareka hapisha jypejuheva hokava mombohapo tatavasupe.

Hechos 17:13

Judio Tesalonicape'iare kuaama Pablo hareka Silas mbeu jyre Tũpa ĩñee Bereaperã, oho jyve reta haipe opa momohẽ kuareta heta vekua.

Hechos 14:19

Hãma Judiovare Antioquia hareka Iconiova kuaretare mbyposhykashu hareka mbyvaishokahe verã Pablo. Hãma itape Pablo japi reta hareka mõãte jykama retarã, mbytyryry nohẽ reta tentaivi.

Hechos 2:10

Frigia, Panfilia, Egipto, Libia Sirene hyvache'õ ouva jyve, hareka ĩme'ẽ jyve Romaivi ouva kope iko'iare;

Hechos 6:5

Hãrã opaite haipe ñymbatyvare haikavishu reta he'iava rãĩmi, haivi ñono reta Esteban, kuimbai tynyheva jyrojakue hareka Espiritu Santo, Felipe, Procopo, Nicanor, Timoteo, Parmenas, Nicolas Antioquiape'õ jyrojahe vekua Judiore ohoheva.

Mateo 5:29

Ndyresa ndakata kyty'õ ndirity mbai porãmbaperã; nohẽ mombo mbyry, haikavivepo mishĩĩ õñehũndi ndyrete, mahẽ opaĩ ndyrete mombohakui tata vasupe.

Mateo 3:7

Tẽvã Juan heshama fariseore hareka saduceore heta ou ẽvãpe myngarai verãrã, heishu reta: Pee mboi rãĩmipiva! Mbavara heipe katu piñemishi verã ñunũpa pohyva kõõĩma ouva?

Mateo 23:13

Tengapope Moisés mbypara vekua pyrỹmboi'iheare hareka fariseore, hova mokue'iare! Pymbotypiva huvisha vasu vate arapy'õ ryheva hõche potãã yngavare icherã, hãrã peeave picheã jyve hareka pyma ẽĩahe iche pota ichevare.