Mateo 22:16 - NandevaBiblia

¹⁶ Fariseore mondo mboireare hareka Herode ẽẽ hãndiare. Heishu reta: Pyrỹmboi'ia, kuaa rãnga añeteva rỹmbeurã, hareka hekope kavi rymboi Tũpa hape. Kuaahaĩjy rymbyvapyã ndijehe, he'iandevarã, hãndi rỹma'ẽãvãĩjyhe marãvara.

Mateo 22:16 Referans Kwoze

Marcos 3:6

Haivi fariseore opajy õhẽ oho, hareka jyraha ijeta hãndi Herodes ryhevare marãrapo juka reta Jesús.

Lucas 20:21

Hãrã kuimbaire ñemiapeĩ mãĩ'iare pyrãndushu Jesús: Pyrỹmboi'ia, kuaaha rãnga rereva hareka rỹpyrỹmboiheva haikavirã, rỹmãĩmbava mãrãvara hai, koñeĩ añetevape rỹpyrỹmboihe Tũpa hape.

Marcos 12:14

Kovare ohorã heishu reta: Pyrỹmboi'ia, kuaaha rãnga niñee añeteĩtevarã, rỹmbyvapyã ndijehe kuaretare hei ndeva, rỹma'ẽãhe marãva kuaretara, ãñete rypỹrỹmboihe Tũpa hape. Haikavira mẽ'ẽhashu kyrypoti mburuvishavasu Cesar, maĩrã, mba'ety? Mbyhepyaraposhu, maĩrã, mba'ety?

Marcos 8:15

Jesús heikavishu reta: Pymãĩ kavi, pingareko pindijeheshi fariseo hareka Herode ryhevare jylevadura.

1 Juan 5:20

Jaikuaa kavijy Tũpa Tay ouva hareka meẽ ñande mbaikuaa jaikuaa verã Tũpa añeteva hareka ñande ñañymypente hãndi verã Tay Jesucristo. Hoka'ẽ Tũpa añeteva hareka tykove opambava.

Juan 18:37

Hãrã Pilato heishu Jesús: Akuarã haira nde huvishavasu? Jesús heishu: Hai rãnga, nde rereva rãĩmi. Ha'erã aa ko yvy'ĩãrẽ ambeu verã añeteva. Hãrã opaite mbai añeteva japo'iare, hendu jyve reta ambeuva.

Juan 14:6

Jesús heishu: She hai tape, añeteva hareka tykove. She rupii katupo vãhẽha Sheru ẽvãpe.

Juan 7:18

Hareka ijuhuvii pyrỹmboiva, japo pota kuaretare mbyveteshurã; tẽvã Tũpa mbouva õñehãã kyrã japo õmombaivasushu verã, hokava añeteva hei hareka mba'etyre mbai hekopemba'õ.

Santiago 3:17

Katynga ãrãndu Tũpaivi ouva tynonde heko ky'ãã, heka pyavapyva ryheva, pya kavi hareka ñee hendu. Kyrãĩjy pyrypareko, ĩñee añete, hova mokueã hareka haikaviva japo.

1 Tesalonicenses 2:4

Kyrãtẽverã, ijetaha kuimbai Tũpa mbyhaikaviva rãĩmi hãrã ĩrĩñono mbe'uha verã Ñee kaviva, hãma hokava hai japohava. Ha'ẽã kuaretare pota pya oho yryreherã, koñeĩpo Tũpa, opa kuaava ñandypyape'õ.

Galatas 2:6

Tẽvã tũpao miñaka'iare vateve'õ, he'iãshe reta yngava añono verã apyrỹmboiheva. Haijyvepe she pevarã jyvavyã haikavira maĩrã mba'ety, shara Tũpa hỹnonde opaite kuimbaire jyvache.

Galatas 1:10

Kyrã hairã: Ahekara kuaretare jururesheva maĩrã Tũpaivira? Ahekara aĩkavi hãndi verã kuaretare? Hãma potaĩ ãĩkavi hãndi kuareta retarã haiveãmaposhekui Jesucristo jokueva.

2 Corintios 5:16

Katynga ã'ẽ, katuveãmapo mbyvetehakui yngava retape ore kuareta heshahava rãĩmi, hareka ajema kyrãte kuaaha arykai Cristo, tẽvã kyrãveãmapo kuaaha.

2 Corintios 4:2

shara opa mbijicheha ñemiãpẽ'õre hareka pyrỹmymarãkava, ikohã pyrỹmbytavyhavape, hareka Tũpa ĩñee opavãã mbihi'aha. Kyrãtẽ verã añetevaĩ mbe'uha, kyrãrã kuaa mondo verãre ore haiva añeteva Tũpa hỹnonde.

2 Corintios 2:17

Ore ikohãã okoraha'i ĩãrẽ Tũpa ĩñee, yngavare japosea rãĩmi. Kyrãtẽ verã, añetevaĩ mbe'uha Tũpa jokuereare rãĩmi, hareka Tũpa hỹnonde ijetahahe Cristo.

Lucas 7:40

Haipe Jesús heishu fariseo: Simón, ĩme are pente mbai hai nde verã. Fariseo hei: Mbeushe, pyrỹmboi'ia.

Marcos 10:17

Jesús ohojyma verã, ñani ou pente kuimbai, ĩñesu hỹnonde hareka pyrãndushu: Pyrỹmboi'ia heko kaviva, mbaivarapo ajapo apity verã tykove opambava?

Mateo 26:49

Hãrã ñymboja Jesús ẽvãperã heishu: Pyrỹmboi'ia, nypỹntumara! Haipe hovape pyteshu.

Mateo 26:18

Jesús heishu reta: Pekua tenta kyty pente kuimbai hentape pereshu: Pyrỹmboi'ia he'ika nde; shy'ara vãhẽmapo, hãrã nyrẽntape amboi'areare hãndi pota amby'arete paskua.

Mateo 22:26

Kyrãi jehu jyveshu mokuehea hareka mbahapyhea, hipitypeve kõñẽmahea.

Mateo 22:24

Pyrỹmboi'ia, Moisés rãnga heja kuatiape, pente kuimbai manoshi hyreko membymba vekuarã, tyvypo rekojy hyrekokue mimoña verã tichey mano vekua.

Marcos 12:13

Haivi mondohashu Jesús a'ãmo fariseore hareka Herodes ryhevare, ijeta porãrã ñonovaishu verãre.