Mateo 22:10 - NandevaBiblia

¹⁰ Haipe jokuehareireare opa rupi jyraha mbaty heshavavive, heko kavi hareka porãmba opaite oho, kyrãĩ mynyhẽ reta oo.

Mateo 22:10 Referans Kwoze

Apocalipsis 7:9

Hokaivima amaĩrã, ahesha kuareta jahe vekua, katumbaa mbava opa papava, opaite hekyava tenta vasuivi, kuareta ñymoñashiare, henta'õre hareka opaite tiñeere, ñymbou ñynoĩ vapyhasepya Avisha Ray hỹnonde, hareka tĩĩvape ñimimondevare ipopere reta karãnday hãka.

1 Juan 2:19

Hai reta rãnga õhẽ ñanymbyteivi, tẽvã ha'ẽã ñandyryhevare, shara ñandyryheva retarã pytatẽ ñanendie verã, tẽvã kyrã jehu ijyhesha verã opaĩñoã ẽẽ ñanendievare hai ñandyryheva retarã.

2 Corintios 12:21

Kova aha verãpe akyjejy, shu Tũpa shymymarãka pynynõnde verã, hareka katu ajaheo mbai porãmba japo'iare rehe, hareka hejãã reta maĩnunga porãmbare, kyrãrãĩ'iare, heko ky'akuepy jypykuamavare.

Mateo 25:10

Hãma 5 kuñatãi kuamba ijupevare oho heka ñandy ova verã, vãhẽ ou temerã, ĩrũ kuñatãire kua ijupe haivare iche hãndi temerã, hãrã haivi õche ñymboty.

Apocalipsis 5:9

Hãrã jyvache pyrahe reta pente mbyrahe py'ahuva heiva: “Ndeñõi rãngapo katu rypysy ko kuatia mbapu'ahava hareka ryhekyshi verã sellore, ndukahava rehe, hãrã nduruvype yry'ovajy Tũpa pevarã, opaite kuaretare ñymoñashia, opaite tiñeere, henta'õre hareka tentavasure.

Mateo 13:38

Hãrã kookue hai opaite ko yvy'ĩãrẽ õ pyare. Mbai rãỹ kavi hai Mburuvisha vasurã vate araivi ouva ryhevare rãĩmiva, ñana porãmbava hai Ãña ryhevare rãĩmiva.

Mateo 9:15

Jesús heishu reta: Pimoãrapo omendaha'õpe ĩme'õre vy'ãã ñynoĩ, temerã ẽẽteri hãndi retarã? Tẽvã, vãhẽpokui ara ẽẽveama ñynoĩ hãndi verã; haiperãmapo karumbape ñynoĩkui.

Mateo 22:9

Hãrã pekua oparupii pyheshava pereshu ou verã jykaru vasupe”.