Mateo 20:28 - NandevaBiblia

²⁸ Kyrã, kuareta Tay oũã ñyngareko pyryrehe verã, jokueha'i verã rãnga jyve hareka meẽ verã tykove, mondo jepe verã hetavape mbai porãmbaivi.

Mateo 20:28 Referans Kwoze

Hebreos 9:28

Kyrã jyve Cristo penteĩmba meẽ hykove hetava retaivi heky verã mbai porãmba vekua; oujyrã haiveãma raha verã mbai porãmba, koñeĩ hãrõ pytambavare mondojepe verãĩmapo.

Lucas 22:27

Mbavara hai vateve'õ, mesape vapy'õra, maĩrã pyrỹmbory'ia? Ha'ẽãrapo mesape vapy'õ? Tẽvã she aikojyve pynymbytepe pyrỹmboryĩ'ia rãĩmi.

Tito 2:14

Hai ñymeẽ ñandyrehe mbai porãmba vekua ñandijorashi verã hareka opa kavi ñandohe, iko ñandyhevi verã henta'ĩrũre, mbai haikavivaĩ japo'i verã.

1 Pedro 3:18

Cristo manojyve mbai porãmba jajapova rehe. Hai mbai porãmba japombatẽva, ñañarõva rehe hasa'asy, pyndyraha verã Tũpa ẽvãpe. Hai mano hetepe hareka kuerajy Espiritu rupii.

1 Timoteo 2:6

Jesucristo meẽmba hykove hareka manomba opava kuaretare mbyhepyrã mondojepe verã, hãrã kova mbe'uhava jy'arape kavi ijeshaka.

Apocalipsis 1:5

hareka Jesucristoivi heshava jyrojaheva, tynondeite kuerajyva hareka mbaivasuveshiva mburuvisha vasu yvy ĩãrẽ'õre. Hai ñandyraihurã hareka opa ñandohe mbai porãmba vekuaaivi huvypy,

2 Corintios 8:9

Pee rãnga pikuaama Ñandeja Jesucristo, marãra pya kavi, pyndyraihuiterã hai ikokatutẽva paveteva rãĩmi ou iko'i, hai pavetekuepe pikokatu verã.

Hebreos 5:8

Ajemaĩ Cristo Tyraytẽvã, jyhasa'asy rupii kuaa marãra katu ñee hendu.

1 Pedro 2:24

Haiteiva opa raha hetere mbai porãmba kurusure, ñamanoma verã mbai porãmbape hareka haikavivape jaikojy verã. Hai mbyperehavapy pykuerajy.

Efesios 1:7

Hai mbyhepy ñandyrehe ñanynohẽajy verã hareka hajareii ñandyhevi porãmba jajapo vekua, Tay huvy ĩñohẽva rupii, kyrã hai japo shara pyryraihukue opããshi hai.

Marcos 14:24

Heijyshu reta: Kova hai shuruvy ñee me'ẽã py'ahuva ryheva, turuvy ñohẽa verã opava reta rehe.

Mateo 26:28

Kova hai shuruvy my'ãñeteva ñee me'ẽãva py'ahuva ryheva, ñohẽhava opava pevarãre, mbai porãmba japo vekua hejahareishi verã.

Efesios 5:2

Piko jyhaihuvape Cristo ñandyraihuva rãĩmi. Cristo hykove meẽ ñandyrehe vekua, pente avisha ray jukahava rãĩmi hareka me'ẽãva Tũpape pishe katuva.

Galatas 3:13

Jesucristo rãnga ñanynohẽma Moisés mbypara vekua jyjaheivi, hãrã jaheatẽ ñandyrehe verã vekua oa ĩãrẽ, shara Tũpa ĩñeepe hei: “Jaheamahe yvyrare ñonoãva”.

Romano 4:25

Tũpa meẽmba Jesús mano verã mbai porãmba jajapo vekua rehe, hareka mupũ'ãjy ñanymbyhekokavi verã hai hỹnonde.

1 Juan 2:2

Hai ñymeẽ ñandyrehe jukaha verã mbai porãmba jajapova hejareii ñandyhevi verã; ha'ẽã ñandeĩ, koñeĩ opaite kuaretare rehe jyve.

Hebreos 2:10

Opa mbai ẽẽ Hai pevarã shara Hai japo hareka ñyngarekohe, Hai pota opaiteva haihushuvare hareka Hai heiva japoshuare, reko verã jyve hĩmbipekue. Hãme rãnga Tũpa, jyhasa'asy rupii mbyheko kavi Jesucristo haire Mondojepeva.

Juan 10:15

Sheru shykuaa kavi, hãrã she aikuaa kavi jyveshu Sheru. Kyrãĩ aikuaa kavi jyve shy'avishare; hãrã haire shykuaa kavi jyve hareka she añono shyrykove shy'avisha retare.

Mateo 8:20

Jesús heishu: “Avarare ĩmere ikua, hãrã vyrare ĩmere haity, tẽvã ko kuareta Tay mba'etyre putuu verãpe”.

Mateo 20:27

hareka pota tynonde'ia pynymbyteperã, ikopo jyve jokuehareirea yngava retape.

Marcos 10:45

Shara Kuareta Tay oũã pyrokue'i verã, koñeĩ jokueha verã rãnga hareka meẽ verã hykove, hetavape mondojepe verã mbai porãmbaivi.