Mateo 20:22 - NandevaBiblia

²² Tẽvã Jesús heishu reta: Pee pikuãã pirureva. Pẽĩra pyhasa'asy verã, she ahasa'asy verã rãĩmi? Haire hei: Õĩha rãnga hasaha verã.

Mateo 20:22 Referans Kwoze

Lucas 22:42

hei: Sheru, nde ripotarã, mbyhasa shyhevi kova kopa irova. Tẽvã avy tiko she aipotava, koñeĩ tiko nde ripotava.

Mateo 26:42

Hãrã hykuãĩ mokueheare kyrãĩ oho jururejy: Sheru, katũã rymbyhasa shyhevi ko jepy'apyrã, japo nde ripotava rãĩmi.

Juan 18:11

Jesús heishu Pedro: Ñoñajy ndykyse puku hyrupe. Ryrojãra ãĩme'ãĩva ahasa'asy verã Sheru heisheva rãĩmi?

Marcos 14:36

Ñymboirã hei: Abba, Sheru, nde rãnga opa mbai javaiã rijapo verã; heky shyhevi kova mbai pohyva ahasa verã. Tẽvã avy tiko she aipotava, kõñẽi tiko nde ripotava.

Mateo 26:39

Hãrã Jesús ohoposhy tynonderã, ĩñesu hova mbojapeve yvyre, hareka jurureshu Tũpa: Sheru, katuãra rỹmbyhasa shyhevi ko ñymbasykue. Tẽvã avy tiko she aipotava, koñeĩ tiko nde ripota.

Romano 8:26

Kyrã Espiritu ñanymbory ñanykangyñaĩrã. Shara jaikatuã ñaĩmboi, ñaĩmboi verã rãĩmi, tẽvã Espiritu teiva Tũpape jurure ñandyrehe, katumba ĩñee rupii kuaahava.

Santiago 4:3

Hãrã pirurerã me'ẽhãpe, shara hekopẽã pirure, vyareiivape pipory verãĩ pipota.

Lucas 12:50

Tẽvã ahasapo jyhasa'asy rupii, ñymyngaraiva rãĩmi; hareka ajepy'apytẽ hãrã aipotama hokava iko!

Mateo 26:56

Tẽvã opava kova iko'ẽ hekope, Tũpa ĩñee mbeu'iare hei vekua Tũpa ĩñeepe. Haivi mboireare opa hejashu Jesús hã'ẽĩ.

Mateo 26:35

Pedro heishu: Ajemaĩpo ãmano jyve nendiekui, ãrĩñomiãpokui. Hãrã opaiteva mboireare kyrãpavẽi heijyre.