Mateo 2:13 - NandevaBiblia

¹³ Ohojyma karai ãrãndu retarã, Tũpa jokueva José jypaihupe ijeshakashurã hei: “Pũ'ã, narẽ'ãĩte raha sanjay hareka ishy Egiptope. Haipe pytakui she ãrỹmarãndujypeve, shara Herodes hekakapo'ẽ sanjay juka verã”.

Mateo 2:13 Referans Kwoze

Hechos 12:11

Pedro kuaama mondo ikovarã hei: Ã'ẽ aikuama ãñete Ñandeja mbou jokueva shyreka hareka shynohẽjy verã Herodes ipoivi, hareka opa mbai Judiore japotẽ shyrehe verã.

Hechos 10:7

Tũpa jokueva ohojymarã, Kornelio hẽno mokue jokuereva hãndi syndaro jyrojaheva hareka haihuva Tũpa.

Hechos 5:19

Tẽvã pente Ñandeja jokueva, pynturã pea pyrỹmbyperesohaseape hõche, hãrã nohẽjyrã heishu reta:

Mateo 2:12

Tẽvã Tũpa kuaakashu reta jypaihupe, potamba ohojy verãre Herodes ẽvãpe, hãrã tape yngavaipi jyrahajy hentape.

Mateo 1:20

José pya mbijeta'irã, mondii jypaihupe ijeshakashu pente Tũpa jokueva hãrã heishu: “José, David ñymoñashia, avy kyje reru verã María ndyrekorã, ko sanjay María ĩmere verã hai Espiritu Santo japova rupii.

Mateo 2:16

Herodes kuama kuimbai ãrãndure mbytavyrã, pya poshyiterã, mondo syndarore juka verã sanjay kuimbaimi nde'iaveteri mokue ãño mbotyva, Belénpe hareka hyvache'õre, kuimbai ãrãndure mbeushua rãĩmi mbai arapera hesha jasytata.

Apocalipsis 12:14

Hãrã taupe me'ẽãshu mokue vyrachevasu hypepo, veveshi verã mbyry mboi yvy ikoambaipi ñyngarekoahe verãpe 3 ãño hareka 6 jasykavi.

Hechos 16:36

Haipema mbyperesoavare ñyngareko'ihea juhuvisha heishu Pablo: Huvisha pirĩmbivache'ia reta rãnga he'ika she apyrỹmohẽjy verã, hãrã katuma pypyavapy ryheve pehojy.

Hechos 10:22

Haire hei: Senturion Kornelio rãnga ỹrỹmbouje, pente kuimbai heko kaviva, Tũpa omoimbaishuva hareka opavare ijeta kavihe Judiore mbytepe. Pente Tũpa jokueva heishu ouha ma'ẽã ndyrehe, reho verã hentape nde rereshuva hendu verã.

Hechos 7:19

Hokava mburuvisha mbytavy'i opaite ñande jaikova hareka heta reko asyshu ñanytynondevare, haivi opamba jukaka sanjay oarããvamire potavẽãma ñymbyhetarã.

Mateo 10:23

Hãrã kuaretare pynymoña pente tentaivirã, ynga tentape pekuajy. Ãñete hai pee, kuareta Tay oujypo ndeiteri opa kavi pyvata tenta Israelperã.

Apocalipsis 12:6

Haivi taupe ñyvãhẽ yvy ikoambaipi, Tũpa myhẽvashu hendarã ñyngarekohe verã, haipe myngarupo 3 ãño hareka 6 jasykavi.

Apocalipsis 12:4

Huvepy mbytyryry mbahapy henda'õ jasytatare hareka mombo yvy'ĩãrẽ, haivi mboivasu oho taupe memby'ẽ verã hỹnonde, membymarã opa houshi verã.

Mateo 2:22

José kuama Arquelao mburuvisharã ẽjy Judeape tuu Herodes hẽndakueperã, kyje ohojy haipe. Tẽvã Tũpa mbeushu jypaihupe oho verã Galileape.

Mateo 2:14

José sarekorã, hoka pyhareperavĩ raha sanjay hareka ishy Egiptope.

Hechos 12:7

Sapy'aĩ ijeshaka Ñandeja jokueva hareka hĩmbipekue opa mykõĩ'ipe pyrỹmbyperesohaseape. Tũpa jokueva Pedro pokoherã, mombarã hei: Narẽã pũ'ã! Hãrã haipe kadenare opa oashi Pedro papyivi.