Mateo 19:28 - NandevaBiblia

²⁸ Jesús heishu reta: Ãñete hai pee, vãhẽma ara opa mbypy'ahuajy verã, hareka kuareta Tay, vapypo vapyhapya hĩmbipevape. Hãrã mĩ'ĩrũ vekua vapyĩpo jyvepy 12 ẽvãpe, mbaikavikue japo verã 12 ñymoñare Israelva retape.

Mateo 19:28 Referans Kwoze

Mateo 25:31

Kuareta Tay oujyma hĩmbipekue ryheve opaite jokuevare hãndirã, vapypokui jyvapyka hĩmbipevapy vate arapy.

Apocalipsis 20:4

Haivi ahesha vapyhasepyare, hareka vapyñynoĩpyare mbaikatu me'ẽãshuare pirĩmbivache verã. Aheshajy tykovere ñaka jasyjahashi vekua Jesús ryheva mbeu jyrerã hareka Tũpa ĩñee. Hai reta rãnga omombaimbaa mymba ñarõva maĩrã hã'ãnga, ma'ẽĩahe ñonoka ijehe ha'ãnga syvare hareka ipore, haire opajy kuera hareka Tũpa meẽshu vapyhasepya mburuvisharã ñynoĩ hãndi verã Mesías 1.000 ãñopeve.

Apocalipsis 7:4

Hãrã ahendu opama myhã'anga vekuare: 144.000 mil opaite Israel ñymoñashiare.

2 Pedro 3:13

Ñande rãnga ñahãrõ pente ara hareka yvy py'ahuva. Tũpa hei vekua meẽ verã. Haipe opa mbai haikavipo hareka hekopekavi.

Mateo 16:27

Shara kuareta Tay, oujypokui Tuu hĩmbipekue ryheve hareka jokuevare hãndi. Haipe Tũpa meẽposhu pepenteĩ japo vekuare jurureva rãĩmi.

Apocalipsis 21:5

Tũpa hei vapy'ẽvaivive: “Opa mbaire ajapo py'ahujy!” Hãrã heijy: “Mbypara, shara kova ñee añeteva ryheva hareka katu jarojava”.

Apocalipsis 4:4

Hãrã vapyhasepya jerevejyhe 24 vapyhasepya hareka hokavape vapyñynoĩ 24 kuakuavare tĩĩvapy ñymondeare tankare ñonoava ita vera ijuva ñaka retare.

Apocalipsis 3:21

Opa õhẽkaviva ñyrãrõivi ambyvapypokui shyvapyka mburuvisha vasu vapypya, she avapysepyape, she ãhẽkaviva rãĩmi ñyrãrõivi hareka avapyĩma hãndi Sheru vapyseape.

2 Timoteo 2:12

jyhasa'asykue jahasa kuaarã, ñaĩmepo hãndi hai ẽvãpe, ñañomi jareshurã hai ñanomipo jyve,

Hechos 3:21

Tẽvã ã'ẽ Jesucristo pytateri'ẽ vate, opa mbai ñonoha kavipeve. Opa mbai heiva, Tũpa ĩñee mbeu'ia kyambava, arykaivare ikoterivape.

Mateo 20:21

Jesús pyrãndushu: Mbaivara ripota? Hãrã taupe heishu: Aipota ereshu, kova shymemby mõkue'iare tyvapykui rẽivape mburuvisha vasurã, pente ndakata kyty hareka ĩrũ ndasu kyty.

Apocalipsis 22:2

hokava yy hasa tape tenta mbyte'ẽvaipitei. Yy jajapy kyty ẽẽshu yvyrare pente jasyvapeñoĩ iava, jaishu 12 iava pente ãñope. I'akue meẽ tykove opambaa, hareka hokykue poryha mynguera verã opaite tenta vasure.

Apocalipsis 12:1

Haivi ijyhesha arare pente tivishava mbai heshahava: Pente taupe kuarasype ñymondeva, hareka jasy ipy ipere, hareka ñakare'ẽ pente tankare ñonoava 12 jasytata ĩmerea.

Mateo 6:33

Haikaviveva rãnga pyheka tynonde Tũpa huvisharã'õpe'õ ryheva hareka hekope kavi'õ. Tũpa meẽpope opaite jy'arape mba'etypeva.

Mateo 8:20

Jesús heishu: “Avarare ĩmere ikua, hãrã vyrare ĩmere haity, tẽvã ko kuareta Tay mba'etyre putuu verãpe”.

Mateo 19:27

Haipema Pedro heishu: Ore rãnga opa mbai hejaha nimi'ĩrũha verã. Marãrapo mbyhekoviahajy orekui hokava?

Marcos 10:37

Haire hei: Ryvapymarẽĩ mburuvisha vasu hĩmbipevaperã, ma'ẽĩhe tyvapyha nendiekui, pente ndakata kyty hareka ĩrũ ndasu kyty.

Apocalipsis 11:16

Hãrã 24 kuakuavare vapy'ẽva vapypyape Tũpa hỹnonde, ĩñesu reta syva mbojapeve yvyre hareka omombaishu reta,

Apocalipsis 22:5

Haipe mba'etypo pỹntu, mba'etypojy ikotẽvẽhea sapeapya myhendy verã hareka kuarasy, shara Tũpa Teja haipokui jysapekare, hareka hairetapo huvisha vasurã'ẽkui opa ara pevarã.