Mateo 17:12 - NandevaBiblia

¹² Hairã she hai pee, Elías ouma rãnga, tẽvã mba'etyĩ kuaashuva, pota japohevaĩ, japohe reta. Kyrãmi jyve kuareta Tay ahasa'asypo ipope.

Mateo 17:12 Referans Kwoze

Mateo 16:21

Hokava araivive Jesús mbeushu mboireare hai oho verã Jerusalenpe, hareka haipe mbyhasa asypo kuakuavare, pai ruvishare, hareka Moisés mbypara vekua pyrỹmboi'iheare ipope. Jesús heishu reta: She ãmanopokui tẽvã mbahapy arapepo shyrykovejy.

Hechos 4:10

Mbe'uha kavi, opaite Israelpe õre kuaa verã, ko kuimbai pỹnonde'õ, Jesucristo Ñazaretpe'õ heepe kuera. Kova Jesús pee pymbysavava vekua kurusure hareka Tũpa mynguerajy mano vekuare mbyteivi.

Hechos 7:52

Mbava Tũpa ĩñee mbeu'ia retara reko asyãshu arykai pynytynondeva reta? Haire opa juka, arykaivaĩ ijeta jyrehe heko kaviva ou verãre hareka ã'ẽ oumarã, pee pymbytavyshu hareka pijukashu.

Hechos 2:23

Ko Jesús rãnga Tũpa ñono hashatãmbareare ipope, Tũpa rekova rãĩmi ñakape hareka hai potava rãĩmi iko, tẽvã pee pijuka pymbysavava kurusure kuimbaire ñañarõvare rupii,

Juan 1:11

Hentapetei ou, tẽvã henta ĩrũre myvãhẽãshu.

Lucas 7:33

Ou Juan Bautista, houmba pãhã hareka vino; tẽvã pee pereshu mbaiposhy ĩmerea.

Mateo 21:32

Juan Bautista rãnga ou pynymboihe tape hekope kavi'õ, tẽvã pyrojããshu kyrypoti mbatyse'iare Roma pevarã hareka taupe heko porãmba rojashu reta. Tẽvã pee pyheshatẽva pyhejãã pyndyreko porãmba vekua, pirojahe verã.

Mateo 11:2

Juan Bautista ĩme'ẽ mbyperesoavaperã, hendu opa mbai Cristo japova, hãrã mondo mõkue mboireare pyrãndushu verã Jesús:

Mateo 8:20

Jesús heishu: “Avarare ĩmere ikua, hãrã vyrare ĩmere haity, tẽvã ko kuareta Tay mba'etyre putuu verãpe”.

Mateo 17:9

Vejyjy retarã, Jesús heishu reta: Avy pymbeukui mbavape ko pyheshava, kuareta Tay, mũpũ'ãjypeve manovare mbyteivi.

Mateo 17:11

Jesús heishu reta: Ãñete rãnga Elías rãnipo ou, hareka haipo opa mbai ñono kavijy.

Mateo 17:13

Haiperãã, mboireare kuaakavi reta, Jesús ijetaheshua Juan Bautista.

Mateo 17:22

Ikojyre Galileaperã Jesús kyrãĩ ijetashu mboireare: Ko kuareta Tay, me'ẽãpokui kuaretare ipope.