Mateo 16:20 - NandevaBiblia

²⁰ Hãrã Jesús hei kavijyshu mboireare potambaa mbavape mbeu verã haiva Jesús, Cristo he'iashua.

Mateo 16:20 Referans Kwoze

Marcos 8:30

Jesús hei jyvyĩshu mboireare, potamba kova mbai mbavape mbeu verãre.

Lucas 9:21

Jesús hei jyvyĩshu reta potamba kova mbavape mbeuvare.

Juan 1:41

Andres tynonde japova hai oho heka tichey Simón; hesharã heishu: Vãhẽã rãngashuje Mesias! (He'iseva Cristo).

Mateo 17:9

Vejyjy retarã, Jesús heishu reta: Avy pymbeukui mbavape ko pyheshava, kuareta Tay, mũpũ'ãjypeve manovare mbyteivi.

Lucas 9:36

Haivi ñee opamarã hesha reta Jesús hã'ẽĩ'ẽ; hãrã heta ara haire jasakaĩ, mba'ety mbeushuare hoka heshava.

Mateo 8:4

Jesús heishu: Avy mbava mbeushukui, ekua ijeshakashu paire, meẽkui Tũpa rymeẽshu verã Moisés mbypara vekuape heiva rãĩmi, hãrã paire heshapokui rykueramava.

1 Juan 5:1

Opaite rojava Jesús haiva Cristo, ikoshi Tũpa tay, hareka opaite Teru haihuva, haihuĩ jyve hokava Teru tayre.

1 Juan 2:22

Mbavara japureii'iva? Heiva Jesús haimbava Mesías. Hai rãnga hokava Cristo hyvaishorãrea, shara ñomire Teru hareka Tyray.

Hechos 2:36

Tikuaa kavi opaite Israelvare, ko Jesús pee pymbysavava vekua kurusure, Tũpa japoshu Ñandeja hareka Mesia rãĩmi.

Juan 20:31

Tẽvã kovare ñonoha pyroja verã Jesús haiva Cristo, Tũpa tay, pirojaherã ĩmepyre verã tykove opambava hai heepe.

Juan 1:45

Haivi Felipe oho heka Natanael, heshamarã heishu: Vãhẽha rãngashu kuimbai, Moisés mbyparahe vekua hareka Tũpa ĩñee mbeu'iare, hokava hai Jesús, José tay Nazaretpe'õ.

Marcos 9:9

Vejyjyma jyveru yvyturusuivirã, Jesús heishu reta avy mbavape mbeu verãre ko heshava, kuareta Tay kuerajypeve manovare mbyteivi.

Mateo 1:16

Jacob, José tuu; hareka José, María ĩme; María, Jesús ishy Cristo he'iashua.

Mateo 16:16

Simón Pedro heishu: Nde hai Cristo, Tũpa tay hykove'ia.

Lucas 2:11

Ã'ẽ oaje David hentape pente pyrỹmondo jepe'i verã, hai Cristo, Ñandeja.

Juan 11:27

Marta heishu Jesús: Kyrãĩte, Sheja. Aroja nde haiva Cristo, Tũpa Tay ou verã aryka'e ko yvy'ĩãrẽ.