33 Kanoape'iare opa ĩñesu Jesús hỹnonderã heishu: Nde rãnga ãñete Tũpa Tay.
Marta heishu Jesús: Kyrãĩte, Sheja. Aroja nde haiva Cristo, Tũpa Tay ou verã aryka'e ko yvy'ĩãrẽ.
Natanael heishu: Pyrỹmboi'ia, nde rãnga hai Tũpa Tay, nde hai Israel Juhuvishavasu.
tẽvã kuerajyrã, hareka Espiritu Santo ñymbaikatu rupii heshahakamba Jesucristo Ñandeja haiva Tũpa Tay.
Ñee kaviva õñepyrõhea Jesucristo ryheva, Tũpa tay.
Ore rãnga jyrojaha ndyrehe, hareka kuaaha nde haiva Cristo, Tũpa Tay.
Simón Pedro heishu: Nde hai Cristo, Tũpa tay hykove'ia.
Jesús opa hei kovarã, mãĩ vate ararerã hei: Sheru, a'ẽ vãhẽma ara nde shymbyvete verã, Ndyray nymbyvete verã jyve.
Heta ñymbairasy vekuaivi õhe jyve mbaiposhy sapuke jyrerã hei reta: Nde hai Tũpa Tay. Tẽvã Jesús poshy ryheve ijetashu reta hareka mã'eĩahe ijeta reta, shara haire kuaa Cristorã.
Hãma syndaro ruvisha Romano, ñymbou'ia Jesús hỹnonde heshama marãra mano, hei: Ãñetẽĩtemba kova kuimbai hai Tũpa tay.
Heshama retarã ĩñesu hỹnonde, ĩmetẽ'õ rojambavare.
Haipe Jesús õhẽ hỹvãiti retarã heishu: Hãmarate. Haire ñymboja Jesús ẽvape, ipyipi kũãva jyrerã haivi ĩñesu hỹnonde reta,
Tẽvã Jesús jasakaĩ'i. Haipe pai juhuvisha hei jyshu: Tũpa hykove'ia heepe mbeu ore, ndera hai Cristo Tũpa tay?
Judiore heishu: Ore rãnga ĩmerekoha ñee mbyparahava, haipy hei manoñoĩ verã, shara hei ijehe Tũpa Tay.
Haire opama õmombaishu retarã, vy'ape oujy reta Jerusalénpe,
Syndaro ruvisha hareka opaite haipe'ẽ hãndiare Jesús ñyngareko'ẽheare heshama yvyryry hareka opaiteva mbai ikovarã, kyjeiterã hei: Kova rãnga ãñeteimba Tũpa Tay.
Haipe taupe ñymbojahe, ĩñesu hỹnonderã heishu: Sheja shymborymitẽño.
Haipe Ãña ñymbojahe Jesús pyahãã verãrã heishu: Nde hai Tũpa tayrã, ereshu kova ita tikoshi pãhã.
Hãma hasama jyraha yyvasu ẽvãperã, ko karai eunuco hei: Kope ẽẽ yy, katuãra ã'ẽvãĩ shymyngarai?
Heshama Jesús perã iñesu hỹnonderã sapuke: Jesús, Tũpa vateve õ Ray, mbaivara nde imẽryre shendie? Airure nde avy jahe shyrehe.
Tẽvã Jesús mba'ẽã hei, mbyhovaimba. Hãma paire juhuvisha hykuãi pyrãndujyshu: Ndera hai Cristo, Tũpa heko kaviva Ray?
Jyroja rãnga hai Tũpare, tymondojepeshu Tũpa ã'ẽvãĩ, ãñete haihushurã; hai hei ñandeva rãĩmi Tũpa Tayva.
Pedro ijetateri'ẽ vekua, mundii ãvãpyntu hĩmbipeva opa jasoishu reta. Haipe ãvãpyntuivi ñyhendu pente ñee heiva: Kova hai Shyray ahaihuva, apyhỹrõ vekua, pyhendushu.
Iche reta oo iperã, hesha sanjay hareka ishy María hãndi. Haipe ĩñesu retarã, õmombaishu sanjay, haivi mbai hyru pea retarã, meẽshu ita vera ijuva, mbai pishekatuva hareka mirra.
Haire jupima kanoaperã yvytu pyta'ẽ.