Biblia Todo Logo
Bib sou entènèt

- Piblisite -




Mateo 12:28 - NandevaBiblia

28 She ãmohẽ mbaiposhykue Tũpa Espiritu rupiirã, hokava he'ise Tũpa Mburuvisha vasu vãhẽmapeva.

Gade chapit la Kopi




Mateo 12:28
23 Referans Kwoze  

Tũpa mbaikatu rupii rãnga she ãmohẽ mbaiposhyre, hãma hokava he'ise Tũpa ẽvãpe'õ ryheva vãhẽma peeva.


Hãmẽãra hai pee, Tũpa huvisharã'õpe hekypo pyhevi hãrã yngavapepo meẽ, kuaretare mynõõva Tũpa huvisharã'õpe'õ ryheva.


Haikaviveva rãnga pyheka tynonde Tũpa huvisharã'õpe'õ ryheva hareka hekope kavi'õ. Tũpa meẽpope opaite jy'arape mba'etypeva.


Tũpa ñonohẽ Jesús Nazareno Espiritu Santo hareka ñymbaikatukuepy, heta Ãña ichepy vekuare opa kuera, shara Tũpa ẽẽ hãndirã.


Tũpa rãnga ñanynohẽ pyntuivi, hãma ñaniñono Tay haihuva ẽvãpe,


Shara Tũpa vapy'õpe ryheva ha'ẽã karu maĩra ñymbyuva, koñeĩ hekope kavi, pya vapy hareka vy'a Espiritu Santope.


Moisés mbypara vekua, hareka Tũpa ĩñee mbeu'iare hei vekua japoa verã vãhẽ Juan arapeve; haivive mbe'uhajy Tũpa ẽvãpe'õ ryheva ñee kavi, hãrã opaite õñehãã pota pyrãtakuepe ichepyrã.


Jesús hei: “Vãhẽma ara, Tũpa ẽvãpe'õ ryheva vãhẽserima, peijy Tũpa jykoty hareka pyroja Ñee Kaviva”.


Mbavara mokue'iare japoshu tuu heiva? Hãrã haire heishu: Tay tynondeiteva. Jesús heishu reta: Ãñete hai pee, kyrypoti mbatyse'iare Roma pevarã hareka taupe heko porãmbare tynondepo iche pyhevikui Tũpa huvisharã'õpe.


Hãrã mondoshu reta mbeu verãre Tũpa ẽvãpe'õ ryheva, hareka mynguera verã ñymbairasyvare.


Ko mbaikavi heshaha verã mĩ'ĩrũpo opaite rojavare: Shyreepe mohẽpokui mbaiposhy, ijetapo ñee py'ahuvape;


Hãma, me'ẽha ñande pente huvisharã'õ my'õmyhambava. Hãrã ñamombaiposhu Tũpa jyhaihukuepy hareka ñambyvetepo hai pya ohoherã myvãhẽva.


“Yvy timbo pynyrẽntape'õ yrepyre oja vekua, mytỹmohãjy pyndyrehe. Tẽvã, pikuaapo kova, Tũpa ẽvãpe'õ ryheva ñymykõõĩma'ẽ pyndyhevi”.


Tũpa tymãĩkavihe David rãĩmi mburuvisharã ouva! Tymbyveteha vate arape, Tũpa vateve'õ!


Kova hai ajokueva apyhỹrõ vekua, she ahaihushu hareka shymbyhoryva. Añonopohe she Espiritu ĩãrẽ, hai mbeupo hekope kavi'õ tenta retaipi.


Jesús kuaaha opa Siriaipi. Hãrã veruashu opaite marãrãgãtu ñymbairasy vekuare, mbaiposhy ĩmereare, kuakuamba'ia hareka vatamba vekuare. Jesús opaite mynguerashu reta.


Mbavarapo icheva pente kuimbai pyrãtava hentape manãrõshu verã, ñapintiã hareka ipy jokuarãniããrã. Kyrã japorãrãpo katu manarõshu.


Tẽvã mbai porãmbavaĩ japo'ia Ãña ryheva hai, shara õñepyrõaivive Ãña japo mbai porãmbava. Hokava rehe rãnga ou Tũpa Tay, opa mambai verã Ãña japovare.


Swiv nou:

Piblisite


Piblisite