Mateo 11:29 - NandevaBiblia

²⁹ Shiñee pyhendu kavi, hareka pijapo kavi she haipeva, pikuaa jyve shyhevi shara she shypya kavi hareka airojãã shijeherã, she apurũmbuputuupo.

Mateo 11:29 Referans Kwoze

1 Juan 2:6

Heiva Tũpareĩ'ẽvã, ikopo jyve Jesucristo iko vekua rãĩmi.

Juan 13:15

She aheshakamape, ajapova rãĩmi pijapo verã jyve.

Mateo 7:24

Hãrã ĩme'ẽ henduva shiñee hareka hekope kavi japova, ova pente kuimbai ñy'ãrãnduva, hoorã mupuãva ita ĩãrẽ.

Hebreos 5:9

Hãrã ñymbyheko kavimarã opa ara pevarã ikoshi pyrỹmondojepe'ia, opaite ĩñee hendushuare pevarã.

2 Corintios 10:1

She Pablo, airure'asype, Cristo jyhaihukuepe hareka pya kavipe, ajemaĩ pere shyrehe ãĩme'ãĩ pynymbyteperã shymarãva, tẽvã mbyry ãĩmẽ'ãĩrã aponderaã.

Mateo 28:20

Hãrã pymboishu opaite tijapo reta she hai pee vekua. Pikuaapo she ãĩmẽpo penendie opa arape ko yvy opapeve. Amén.

Filipenses 2:5

Piko Cristo iko vekua rãĩmi hareka pijapo hai japo vekua rãĩmi:

Mateo 21:5

Pereshu Sionpe'õre: “Pymaĩhe, kõõ ou punduruvishavasu mbirikare, mbirikamire, jyrojamba ijeheva”.

2 Corintios 10:5

Ity yvype opaite mbai he'iavare, hareka Tũpa ãrãndure pũãvã, hareka opaite kuaretare pya mbijetava rãĩmi ñonoha Cristo ipope, ĩñee rẽndushu verã.

1 Tesalonicenses 4:2

Pee rãnga pikuama pijapo verã, me'ẽãpe vekua Ñandeja Jesús ñymbaikatu rupii.

Juan 13:17

Pikuaa kavi kovarã, hareka pijaporã pyvy'apokui.

Mateo 17:5

Pedro ijetateri'ẽ vekua, mundii ãvãpyntu hĩmbipeva opa jasoishu reta. Haipe ãvãpyntuivi ñyhendu pente ñee heiva: Kova hai Shyray ahaihuva, apyhỹrõ vekua, pyhendushu.

2 Tesalonicenses 1:8

jahehe verã Tũpa kuaamba retape hareka Ñee Kavivape'õ japomba Ñandeja Jesús ryheva.

1 Corintios 9:21

Moisés mbypara vekua mba'etyreare, ãĩme'ãĩ hãndi retarã, haire ikova rãĩmi aiko jyve, ambory verã reta jyve jyrojahe verã Cristo. Kova he'iseã ajapombava Tũpa heiva. Mba'ety, ajapoñoĩ rãnga, shara ajapo Cristo heiva.

Hechos 7:37

Moisés teiva heimbashu arykai Israelita ñymoñashiare: “Tũpa mboupokui tyvyre mbytepe pente ñimiñee'ia, she shymbouhava rãĩmi”.

Lucas 8:35

Hãmã kuaretare opa jyraha mãihe iko vekua, vãhẽ jyraha Jesús ẽvã perã hesha reta kuimbai mbaiposhy õhẽshi vekua, vapy ẽ Jesús hỹnonde, ñimi mondema hareka hai kavi jyma ẽ; hãrã opa kyje reta.