Mateo 11:25 - NandevaBiblia

²⁵ Hokava ara vãhẽrã Jesús hei: “Apyrahende Sheru. Nde hai yvy hareka vate arapy'õ Ija, rĩñomishi ñy'ãrãnduvare hareka mbai kuavare, hãrã rymbykuakashu sanjaymi retape.

Mateo 11:25 Referans Kwoze

Mateo 21:16

Hãrã hei jyreshu Jesús: Rỹhendura mãrãra heijyre? Haipe Jesús heishu reta: Ahendu rãnga ãĩ. Pimbijeta ãĩteira Tũpa ĩñee heiva? Kyrã hei: Rymbypyrahe opaite sanjaymire hareka kambuteri'iare hekope kavi shemombai verã.

Mateo 16:17

Jesús heishu: Ryvy'apo nde Simón, Juan tay, shara mba'ety kuaaka ndeva so'o hareka tuvy, koñeĩ Sheru vate arapy'õ kuaaka nde.

2 Corintios 3:14

Tẽvã kuããmba reta mbaivara he'ise, shara ã'ẽpeve haire mbijeta tynonde ñee me'ẽãva'ẽpyarã, hokava jochashi reta kuaa verã, shara hokava tyrova mbykaso'iapya Cristo rupii katu hekyha.

Hechos 17:24

Hai Tũpa yvy hareka opaite'ẽpyvare japo vekua, haijy yvy hareka ara Ijarã, ikoã hai tũpao kuaretare japovape,

Juan 11:41

Hãrã mbysyry reta ita vasu mbotyhapya. Jesús vate maĩrã hei: Sheru, gracia ameẽnde shara nde shyrẽndu.

Lucas 22:42

hei: Sheru, nde ripotarã, mbyhasa shyhevi kova kopa irova. Tẽvã avy tiko she aipotava, koñeĩ tiko nde ripotava.

Lucas 23:34

Jesús mbysavavama kurusurerã hei: Sheru, hejareishu reta, shara kuãã reta japo ñynoĩva. Hãrã syndarore jyvavarehe reta mbijao ijupe verãre Jesús monde vekua.

Juan 12:27

Ã'ẽ ajepy'apy ãĩ. Mbaivarapo ha'e? Hairapo: “Sheru mbyhasa shyhevi ko jepy'apy porãmba”? Tẽvã ha'ẽrãveara ai ajapo verã Sheru potava.

Juan 12:28

“Sheru, heshaka nypyrãtãkue”. Haipe ñyhendu ñee vate araivi heiva: Aheshakama rãnga, tẽvã hykuaĩpo aheshakajy.

1 Corintios 2:10

Tũpa rãnga kova ñanymbykuaaka Espiritu Santo rupii, shara Espiritu Tũpa pyape'õ javai'õ retave opa kuaa.