Mateo 11:11 - NandevaBiblia

¹¹ Añeteva hai pee, mba'ety kuaretare mbytepe vateveshia Juan Bautista. Tẽvã huvisha vasu vate arapy'õ kuareta mishiveva, vateveshi Juan.

Mateo 11:11 Referans Kwoze

Lucas 7:28

She hai pee, mba'ety kuimbaire mbytepe mbai vasuveva Juan Bautistaivi; tẽvã mishiveva Tũpa ẽvãpe'õ ryheva, mbai vasuvepo shi hai.

Efesios 3:8

She, shimishĩveva opaite heko kyamba retaivi, tẽvã Hai meẽshe, jyhaihukue rupii, ambeu verã Ñee kaviva haimbaa Judio retape hareka jahe mbai haikaviva Cristo ryheva,

Juan 1:15

Juan ijetaherã hei: “Kova rãnga hai kueve aijetaheperã haiheva shaykue ouva hai mbaivasuve shyheviva, shara ẽẽmaĩmba hai arykai ndei aarã”.

Mateo 5:19

Hãrã ĩme'ẽ mbijicheva ñee japoa verã hareka mishĩmba japova, kyrã pyrỹmboi'ihea, haipo mishĩveva huvisha vasu vate arapy'õ. Tẽvã Moisés mbypara vekua japo kaviva, hareka pyrỹmboihea, haipo vateve ñonohakui huvisha vasu vate arapy'õpe.

Mateo 3:11

Añete yypeĩ apyrỹmyngarai pyhejama mbai porãmba pijapo vekuarã. Tẽvã shaykue ouva pynymyngaraipokui Espiritu Santo hareka tatape, hai mbai vasuve shyhevi, jypasaĩmba katu ajorashua.

Lucas 9:48

Jesús heishu reta: “Shyreepe myvãhẽva ko sanjaymi, she shymyvãhẽ. Hãrã she shymyvãhẽva, myvãhẽ jyve Sheru shymbou vekua. Hãma kuareta sanjaymi rãĩmi'ia pynymbytepe, hokava hai mbai vasuveva”.

1 Pedro 1:10

Tũpa ĩñee mbeu'iare heta pyrãndu hareka mbijeta reta ñymondojepeva ryheva. Hãrã hei reta, Tũpa jy'ajetekue rupii meẽpe verã.

Hebreos 11:40

Opaite kova mbai iko potãã ñandyrehembape haire vãhẽ pota vãhẽvaperã, shara koñeĩpo Tũpa mbyhaikaviteshu kova kuaretare hai opama ñanymbyhaikaviterã.

1 Corintios 15:9

She rãnga hai apostolre mbytepe mbai'ãĩteveva, hareka ẽẽãny shymbyhea verã apostol, shara ãmoña'ai arykai Tũpa ryhevare.

1 Corintios 6:4

Hãrã ĩme'ẽ pynymbytepe ijavyva kova mbai yvy'ĩãrẽ'õ ryhevarã, marãrapo piñono haimba jyrojavare, pinimbivache verã?

Juan 10:41

Heta kuaretare oho hai ẽvãpe, hãma hei reta: Juan mapeã mbaikavi heshaha verã japo, tẽvã ãñetemba heihe vekua ko kuimbai.

Juan 3:30

Hai rãnga vatevepo oho'i ñymbaikatukue ryheve, tẽvã she avejyvepo aha.

Juan 5:35

Juan rãnga hai mbai myhendyava hareka sapeva, potatẽ sapy'aite pyvyapipy hai mykõĩvãpe.

Juan 1:27

Hokava hai shaykue ouva, tẽvã mbaivasuve shyhevi. Jypasa ĩshaĩmba ẽshea ajorashu verã.

Juan 7:39

Hokava Jesús heirã, he'ise jyrojaheare mẽ'ẽãshu verã Espiritu; tẽvã hoka arape Espiritu Santo nde'iaveteri ou, shara Jesús nde'iave teri ohojy vate arape.

Efesios 2:3

Opaite ore kyrã ikoha jyve aryka'e, ikoha'i yryrete hareka yrypyape ñanduva rãĩmi. Yryroo potavaĩ japoha'i, hãme rãnga Tũpa ity yryrehe poshykue, yngavare japohea rãĩmi.

2 Timoteo 1:10

hareka ã'ẽ ijeshaka Jesucristo Ñanymondojepeva ourã rupii, mby'opa ñymano hareka nohẽ hĩmbipevape tykove opambava Ñee Kavi rupii.

Lucas 1:15

Shara ndyray haipokui pente kuareta mbaivasuva Ñandeja hỹnonde. Ho'ũãpo vino pyrỹmyngauva, hareka ndeiteri oarãvãĩpo tynyhẽ Espiritu Santo.

Mateo 3:1

Heta arama hasarã, Juan Bautista ñimiñee yvy ikoambaipi, Judeape.

Mateo 11:10

Kuatia mbyparavape rãnga Tũpa heihe Juan: “She amondo ajokueva nynonderã, myhẽvande verã ndyraperã”.

Mateo 11:12

Juan Bautista ourãvive ã'ẽpeve, heta kuaretare pyrãtakuepe oñehãã iche verã huvisha vasu vate arapy'õ, hãrã pyrãtavevare pota ñimbi'ijahe.