Mateo 11:1 - NandevaBiblia

¹ Jesús opama 12 mboireare mbeu kavishurã, õhẽ haivi pyrỹmboi, hareka ñimiñee verã tenta retaipi.

Mateo 11:1 Referans Kwoze

Hechos 10:38

Tũpa ñonohẽ Jesús Nazareno Espiritu Santo hareka ñymbaikatukuepy, heta Ãña ichepy vekuare opa kuera, shara Tũpa ẽẽ hãndirã.

Lucas 8:1

Haivi Jesús oho hãndi 12 mboireare heta tenta vãsu hareka tentamire õipi, ñimiñee hareka mbeu Tũpa ẽvãpe'õ ryheva.

Mateo 9:35

Jesús vata opaite tentamire'õĩpi, hareka tenta vasu retaipi pyrỹmboihe Ñee kaviva Judiore ñymbatyseape mbeu Mburuvisha vasurã vate araivi ouva ryheva, hareka mynguera ñymbairasyvare.

2 Tesalonicenses 3:10

Hãma ikoha'i penendierã kova kyrãmaĩ he'ihape: Mba'apombava ha'eãpo jyve karu verã.

2 Tesalonicenses 3:6

Shyryvyre, Ñandeja Jesucristo heepe jururehape pysyryshi verã opaite ñandyryvy ñateỹ mba'apovare hareka potamba ikova pynymbo'eaheva rãĩmi.

1 Tesalonicenses 4:2

Pee rãnga pikuama pijapo verã, me'ẽãpe vekua Ñandeja Jesús ñymbaikatu rupii.

Hechos 10:42

hareka hei ñande opa rupi ñambeu verã Tũpa ĩñee, hareka ñambeu verã Tũpa hesha verã mbai kavi hareka mbai porãmbava kuaretare japova, hykoveteri'iare hareka manovare.

Hechos 1:2

hupihapeve vate arapy, ohojyma potarã, Espiritu Santo rupii mbeushu mbaivara japopo reta Apostol hai pyhyrõ vekuare.

Juan 15:14

Pee rãnga hai shi'ĩrũre, pijapo she hai peevarã.

Juan 15:10

Pijapo she haivarã, pikopo jyve jyhaihu ĩme'arevape, Sheru heiva opa ajaposhurã aiko jyhaihukue hai ĩmerevape.

Mateo 28:20

Hãrã pymboishu opaite tijapo reta she hai pee vekua. Pikuaapo she ãĩmẽpo penendie opa arape ko yvy opapeve. Amén.

Mateo 7:28

Jesús kova mbai heirã, kuaretare mbyry maĩhe reta pyrỹmboiheva,

Mateo 4:23

Jesús opa vatahupi Galileape, Judiore ñymbatyseape pyrỹmboihe Ñee kaviva mbeu Mburuvisha vasurã vate araivi ouva ryheva, kuareta ñymbairasy vekuare opa mynguera.

1 Timoteo 6:14

rijapo verã opa mbai she hai ndeva. Iko tykove kyambape, kuaretare heshamba ndyrehe verã maĩnunga porãmba vekua, Ñandeja Jesucristo hykuaĩ oujyapeve,

Marcos 6:12

Haivi mboireare õhẽ mbeushu kuaretare Tũpa ĩñee, heishu ãteñoma japo verãre mbai porãmbava, hareka oujy verãre Tũpa jykoty.

Lucas 23:5

Tẽvã haire hei jyvyĩ: Pyrỹmboiva rãĩmi kuaretare opa pũã ijehe, õñepyrõ Galileape hãrã ã'ẽ kopema vãhẽ ou jyve.