Mateo 10:3 - NandevaBiblia

³ Felipe, Bartolome, Tomas, Mateo kyrypoti mbatyse'iare Roma pevarã, Jacobo Alfeo tay; hareka Tadeo;

Mateo 10:3 Referans Kwoze

Hechos 1:13

Vãhẽ jyraha Jerusalenperã jupi reta oo vate'õpe, iko jyreape, Pedro, Juan, Santiago, Andres, Felipe, Tomas, Bartolome, Mateo, Santiago Alfeo tay, Simón Selote hareka Judas Santiago tay.

Marcos 3:18

Andres, Felipe, Bartolome, Mateo, Tomas, hareka Jacobo Alfeo tay, Tadeo, Simón Canaanva,

Marcos 2:14

Oho'irã hesha Leví, Alfeo tay, vapy'ẽ tenta Roma pevarã kyrypoti okorase'õpe, Jesús heishu: Ei shimi'ĩrũ. Leví pũãrã oho hãndi.

Mateo 9:9

Jesús oho haivirã hesha pente kuimbai Mateo he'iashua, kyrypoti mbatyhasea Roma pevãrã hyvache vapy'õ. Hãrã heishu: “Ei, shimi'ĩrũ”. Mateo pũã hareka oho hãndi.

Juan 21:2

Opaĩ ñynõĩ penteapeĩ Simón Pedro, Tomas mbyheeavajy mokuepya, Natanael tenta Caná Galileape'õ, Santiago hareka Juan Zebedeo tayre, ĩrũ mõkue Jesús mboireare hãndi.

Juan 11:16

Haipe Tomas, mbyheavajy “Mokuepya” heishu mbo'eharehãndiare: Jahave ñamano hãndi verã ko pyrỹmboi'ia.

Judas 1:1

Judas, Jesucristo jokuerea Santiago tyvy, ambyparashu opaite Tũpa Teru haihuvare hareka hẽnova, Jesucristo ñyngareko jyvehe reta.

Santiago 1:1

She Santiago Tũpa hareka Ñandeja Jesucristo jokuereva, amarãndu 12 Israel ñymoñashiare opa mamaipi ohova yvy jerekue.

Galatas 2:9

Santiago, Pedro hareka Juan, kuaahava huvisha pyrãntavare tũpaope mbai vasuvevare, kuaa mondo reta Tũpa meẽsheva ajapo verã hareka heshaka reta ñi'ĩrũ oreva, meẽ ore ipo she hareka Bernabé, hãrã pente ñeepe iñyñonoha ohoa verã Judiombavare'õpe hareka haire Judiore'õpe.

Galatas 1:19

tẽvã aheshaã ĩrũ apostolre, koñeĩ ahesha Santiago Ñandeja Jesucristo tyvy.

Hechos 21:18

Parejyrã, Pablo oho jyve orẽndie Jacobo ohoa pohyashurã. Vahẽãmarã, opa ou jyve haipe tũpaope miñaka'õre.

Hechos 12:17

Tẽvã Pedro ipopei myha'ãnga heishu reta jasaka verãre, haivi mbeushu reta marãra Ñandeja nohẽjy mbyperesoavaivi, hãrã heishu reta: Pikuaaka jyveshu Jacobo hareka opaite ñandyryvy ñandyryhevare. Hãrã õhẽ hareka oho ynga tentaipi.

Lucas 5:27

Kova mbai oparã Jesús ohojy. Haivi hesha pente kyrypoti mbatyse'iare Roma pevarã, Leví he'iashua, vapy ẽẽ mesape okorase'õpe. Jesús heishu: Eive shaykue.

Hechos 15:13

Opama chirĩrĩ retarã, Jacobo hei jyveshu reta: Shyryvyre shyrẽndupi:

Juan 14:22

Haipe Judas heishu Jesús (haimba Iscariote): Yreja, marã'ĩrãra oreĩpo rijeshakajy'ore, rijeshakããraposhu kuaretare?

Juan 14:9

Jesús heishu: Felipe, kuriãã rãnga aiko ai penendie, hãmerã nde'iave shykuaa? Shyresha'ia reta rãnga, heshama jyve Sheru. Marã'ĩrãra rirureshe aheshakape verã Sheru?

Mateo 27:56

Hokavare mbytepe'ẽ Maria Magdalena hãndi Maria Santiago hareka José ishy, Zebedeo tayre ishy.

Mateo 18:17

Hãma potã hendushu retarã, mbeu tũpaope, hãrã hẽnduseãjy tũpaoperã tẽvãra, pijaposhu haimba pyndyryhevava kyrypoti mbatyse'iare Roma pevarã rãĩmi.

Marcos 15:40

Hãma ĩme'ẽjyve haipe taupere mbyryivĩ maĩ ñynõĩ; haire mbytepe'ẽ Maria Magdalena, Maria, Jakobo ndeiveva hareka José ishy, hãndi Salome.

Lucas 18:10

Mõkue kuimbai oho tũpao pe jurure verã: Pente hai fariseo, ĩrũ hai kyrypoti mbatyse'iare Roma pevarã.

Lucas 18:11

Fariseo ñymboy'õpe kyrã jurure: Tũpa, ameẽnde shy'ajetekue shara ha'ẽãshe yngavare kuaretare rãĩmi aikova: Manarõ'iva, heko porãmba, ynga pota ijya, hareka ha'ẽãshe ko kyrypoti mbatyse'iare Roma pevarã rãĩmiva.

Lucas 18:13

Tẽvã kyrypoti mbatyse'iare Roma pevarã mbyryĩ ñymboy'i, õĩmbashua vate arare mãĩ verã, koñymãi pitiape nũpa'irã hei: “Tũpa, shyparekomĩtẽ, shara she hai heko porãmba!”

Lucas 19:2

haipe ĩme'ẽ pente kuimbai Zakeo he'iashuva iko katuva, tenta mbyhepyre meẽva okora'ia juhuvisha.

Juan 1:48

Natanael pyrãndushu Jesús: Marãĩra shykuaa? Jesús heishu: Felipe ndei oho mbeunderãvãĩ rãnga aryreshaje, yvyra igo ipe ryvapyrirã.

Juan 14:5

Tomas heishu Jesús: Yreja, kuahãã rãnga matyrapo reho. Marãrapo kuaahajy tape?