Mateo 10:28 - NandevaBiblia

²⁸ Avy pykyjeshi pyndyreteĩ juka verã, shara katuãpo juka pyndyrykove; koñeĩpo pykyjeshi Tũpa, katu jukava pyndyrykove hareka pyndyrete tata vasupe.

Mateo 10:28 Referans Kwoze

Apocalipsis 2:10

Avy kyje ryhasa'asypo rẽĩvare; Ãña rãnga ã'ãmo hããposhu hareka minjekapokui mbyperesoha verãpe pyhasa'asypo 10 ara. Tanta jyroja rỹmanopeve, hãrã she ameẽponde tykove opamba.

Santiago 4:12

Penteĩ rãnga'ẽ meẽva mbyparahava japoa verã hareka haijy pirĩmbivache'ia maĩrã katu pyrỹmondojepeva; tẽvã mbavara nde, rĩmbivacheri verã ndapisha?

1 Pedro 3:14

Tẽvã pyvy'apo pyhasa'asypi mbai hekope kavi'õ pijapopirã, hãma avy pykyjeshi reta hareka pynymyngyje,

Mateo 25:46

Harã kovare ohopokui ñunũpa opamba verãpe, tẽvã heko kavivare ohopokui tykove opamba verãpe.

Hebreos 10:31

Mbai kyjehashia rãngapo Tũpa hykove'ia ipope ja'arã.

Mateo 10:26

Hãrã avy pykyjeshi kuaretare, mba'ety ñemiãpe'õ kuaahamba verã, hareka mba'ety ñemĩva heshahambaa verã.

Hebreos 11:35

Ã'ãmo taupere myvãhẽjy hentape henta'ĩrũre manova kuerajy vekua. Ĩrũre opa mano heta nupaharã, shara he'iã reta nohẽãjy verã hejahareishu verã, shara hãrõre reta pente tykove haikaviteveva ouva manovare hykovejymarã.

Hechos 21:13

Pablo hei: Marã'ĩrara pijaheo hareka shypya pymbyvy'ãpeĩ? She rãnga ãĩ ha'ẽã shypokuaha verãĩ, katynga'ãĩ jyve ãmano verã Jerusalenpe Ñandeja heepe.

Mateo 5:22

She hai pee, ĩme'ẽ hapisha poshyshuarã rahapo mbivacheha verãpe. Ĩme'ẽ heishua hapisha “Mba'ẽã rikuaa”, rahapo kuakuavare hỹnonde; hareka hapisha jypejuheva hokava mombohapo tatavasupe.

Juan 5:29

hareka puãjypo ñotỹã vekuaivi. Hãrã heko kavivare kuerajypokui reko verã tykove, tẽvã mbai porãmba japo'i vekuare kuerajypokui jaheahe verã.