Mateo 10:23 - NandevaBiblia

²³ Hãrã kuaretare pynymoña pente tentaivirã, ynga tentape pekuajy. Ãñete hai pee, kuareta Tay oujypo ndeiteri opa kavi pyvata tenta Israelperã.

Mateo 10:23 Referans Kwoze

Mateo 16:28

Ãñete hai pee kopepeĩva, manoãteripokui, heshapeve ko kuareta Tay Mburuvisha vasurã.

Hechos 17:10

Pyntumarã Jesús jyrojaheare ãrẽ'ãĩte mondo reta Pablo hareka Silas Barea kyty. Vãhẽma jyraharã oho reta Judiore ñymbatyseape.

Hechos 8:1

Saulo ẽẽ jyve pente ñeepe Esteban jukaha verã. Hokava arape heta tũpao õñepyrõ mymorãhãã Jerusalenpe. Opaite, ñymomohẽ tenta Judeapi hareka Samaria, koñeĩ Apostolre ha'ẽã hai.

Marcos 13:26

Hãrã ijyheshapo kuareta Tay oujy avãpỹntupyrã, mbaikatukue hareka hĩmbipekue ryheve.

Lucas 21:27

Haipe heshapo reta kuareta Tay oujyma ãvãpỹtupyrã mbaikatukuepy hareka tivisha hĩmbipekue ryheve.

Lucas 18:8

She hai pee; areãpo ou mbivachekashu reta. Tẽvã ko kuareta Tay vãhẽma ara oujy verãperã, heshara teripokui ko yvy'ĩãrẽ kuareta jyrojava?

Juan 7:1

Kova mbai hasamarã, Jesús iko vata'i tenta Galileaipi, hãrã ñatẽỹ oho Judeape, shara Judiore heka ñynõĩ haipe pota juka retarã.

Mateo 26:64

Hãrã Jesús heishu: Kyrã rãnga, nde rereva rãĩmi. Hãrã haijy pee, pyheshapokui kuareta Tay vapy, Tũpa ñymbaikatuveva jakata kyty hareka ouma vate araivi avãpyntupy.

Mateo 24:30

Haipe, heshahapo vate arare heshakava kuareta Tay, oumarã. Haivi kyjerã, opa yvy'ĩãrẽ tenta ijare jaheopo shyresha aima ãvãpỹtupyrã, mbaikatu hareka hĩmbipe ryheve.

Hechos 17:14

Hãrã Jesús jyrojaheare ỹrẽ'ãĩte mondo reta Pablo yyvasu hymbey kyty, tẽvã Silas hareka Timoteo pyta reta Bereape.

Mateo 25:13

Haivi Jesús hei: “Pysareko katupeĩ, hareka avy peche shara pikuãã ara hareka ora kuareta Tay oujy verãpe”.

Mateo 24:48

Tẽvã jokuehareirea heko porãmbavarã, pya mbijetarã mõãte jokue'õ kỹypo ohorã,

Mateo 24:27

Verava heshava rãĩmi kuarasy ichea kytyve, kyrãpokui vãhẽma ara kuareta Tay oujy verãperã.

Mateo 23:34

Hãmẽãra amondopokui Tũpa ĩñee mbeu'ia pyrỹmboi'ia mbai kuaava. Tẽvã peepo pijuka hareka pymbysavava kurusure hai retavape, hãrã ĩrũre punũpapokui Judiore ñymbaty'õpe hareka pymoñapokui henta'ia retape.

Mateo 4:12

Jesús henduma Juan mbyperesoarã, ohojy Galileape.

Mateo 2:13

Ohojyma karai ãrãndu retarã, Tũpa jokueva José jypaihupe ijeshakashurã hei: “Pũ'ã, narẽ'ãĩte raha sanjay hareka ishy Egiptope. Haipe pytakui she ãrỹmarãndujypeve, shara Herodes hekakapo'ẽ sanjay juka verã”.

Hechos 20:1

Kuareta opa ikoraiva opamarã, Pablo hẽnoka Jesús mboireare mbarakuaashu verãre, hareka opama ñimiñeeshurã ñykuãkuãvãjy hãndi reta, haivi oho Macedoniape.

Mateo 16:27

Shara kuareta Tay, oujypokui Tuu hĩmbipekue ryheve hareka jokuevare hãndi. Haipe Tũpa meẽposhu pepenteĩ japo vekuare jurureva rãĩmi.

Mateo 23:36

Ãñete hai pee, kova mbai porãmba ryheva pijapo vekua, opa ñõĩpo oa ĩãrẽ ã'ẽva kuaretare.

Mateo 24:34

Añeteĩteva haipe: Kova mbai opapo ikokui ndei opa mano ã'ẽ ikoteri'ia retarã.