Mateo 10:2 - NandevaBiblia

² Kova hai 12 apostol reta hee: Tynonde'ẽ Simón mbyheajyva Pedro, hareka tyvy Andres; Santiago, hãndi tyvy Juan, Zebedeo tayre;

Mateo 10:2 Referans Kwoze

Hechos 1:13

Vãhẽ jyraha Jerusalenperã jupi reta oo vate'õpe, iko jyreape, Pedro, Juan, Santiago, Andres, Felipe, Tomas, Bartolome, Mateo, Santiago Alfeo tay, Simón Selote hareka Judas Santiago tay.

Mateo 4:21

Jesús oho poshyjyrã heshajy pente'ovare Jacobo hareka Juan, Zebedeo tayre. Haire tuu hãndi jakatu ñynoĩ jypysare kanoape. Jesús hẽnoshu reta,

Juan 12:22

Felipe oho mbeushu Andres, hãrã mokuevea jyraha mbeushu Jesús.

Juan 6:8

Hãrã Andres, Simón Pedro tyvy, mboirea jyve heishu Jesús:

Lucas 5:10

Kyrãĩ jyve Jacobo hareka Juan Zebedeo tayre, Simón ñi'irure. Tẽvã Jesús heishu Simón: Avy kyje; ã'e haimapondekui kuaretare nohẽ'ia.

Mateo 4:18

Jesús vata oho yyvasu Galilea hỹmbeipirã, hesha Simón, Pedro he'iashua hareka tyvy Andrés. Hai reta rãnga pira nohẽ'iare, yype mombo ñynoĩ jypysare.

Lucas 11:49

Hãrã Tũpa ñymbai kuaakuepy hei kavi pyndyrehe: “Ãmondoposhu reta Tũpa ĩñee mbeu'iare hareka apostolre; a'ãmore jukapo retakui hãrã ĩrũre heshatãrã moñapo retakui”.

Apocalipsis 1:9

She Juan, pyndyryvy hareka pinimi'ĩrũva Jesucristo jyhasa'asype, hai vapyape mburuvisha vasurã'õpe hareka pyrãtape jahasa verã Jesucristo hasava rãĩmi, Tũpa ĩñee ambeu airã hareka Jesucristo rehe aijetarã shymondoha isla Patmos he'iashuape.

2 Juan 1:1

She Juan, shyryvyre Tũpa pyhỹrõ vekua pevarã hareka memby retape añetevape apyryraihu, ha'ẽã sheĩ, opaite añeteva kuava reta rãnga jyve,

2 Pedro 1:1

She, Simón Pedro Jesucristo jokueva hareka apóstol apyrỹmymarandu, Jesucristo ñanu Tũpa ñanynohẽva porãmbaivi hekokavi rupii, hejape pente jyrojakue mashyãva ore ĩme rekohava rãĩmi.

1 Pedro 1:1

She Pedro, Jesucristo jy'apostol, amarãndu opaite pyhyrõãvare opa momohẽã vekuare, Ponto, Galacia, Capadocia, Asia hareka Bitiniaipi.

Hebreos 3:1

Hãme rãnga shyryvyre, pee Tũpa ryhevare, pyhỹrõava hareka hẽnohava vate arape oho verã. Hãrã pypya pimbijeta kavihe Jesús: Hai rãnga apostol hareka Pai Vasu jairojahea ryheva.

Efesios 4:11

Haiteiva ñonojy apostolre; yngavape Tũpa ĩñee mbeu'ia; yngavape Ñee kaviva mbeu verã, hareka yngavape ñyngareko pyryre verãre hareka pyrỹmboi'i verã,

1 Corintios 15:7

Kỹỹma'ẽrã ijeshakajyshu Jacobo, haivi opaite apostol retape ijeshaka.

Hechos 12:2

Hãrã mondo jukaka Jacobo kyse pukuvape, Juan tyvy,

Hechos 3:1

Pente arape ka'arumima ohorã Pedro hareka Juan oho reta tũpaope jurure verãre.

Hechos 1:26

Haipe mombo reta jyvareahearã hãrã Matias oahe pyhyrõã verã. Haivi pyta hãndi reta 11 ia Apostolre.

Juan 21:24

Jesús mboirea haihuva hai ijeta'ẽheva kova mbai, hai mbypara kova kuatia. Hãrã jaikuaa opaiteva heiva añeteva.

Juan 21:20

Pedro jerepyrã hesha oho jyre haykue mbo'eharea Jesús haihuveva, karu ñynoĩrã vapy'i hyvacheva hareka pyrãndu'ishu vekua: “Yreja, mbavara yrỹmbyteivi ndypysykapokui?”

Juan 21:2

Opaĩ ñynõĩ penteapeĩ Simón Pedro, Tomas mbyheeavajy mokuepya, Natanael tenta Caná Galileape'õ, Santiago hareka Juan Zebedeo tayre, ĩrũ mõkue Jesús mboireare hãndi.

Juan 20:2

Haipema ñani oho Simón Pedro ẽvãpe, hareka Jesús mboirea haihuva'õpe, heishu reta: Ñandeja hetekue nohẽãngamba rahaha ita jo'oavaivi, hareka jaikuãã mãĩpira ñonoha!

Juan 13:23

Pente mboirea Jesús haihuveva, vapy'ẽ jichere karu ñynõĩrã,

Lucas 22:14

Vãhẽma orarã, Jesús hareka jy'apostolre vapy hãndi reta mesape.

Lucas 22:8

Hãrã Jesús mondo Pedro hareka Juan, heishureta: Pekua, opa pymyhẽvã ñande Pascuape jau verã.

Lucas 9:10

Apostolre opajymã ourã, mbeushu reta Jesús, opa mbai haire japova. Haivi Jesús rahashu reta hã'ẽi'õpe, õĩãmbaipi tenta Betsaida he'iashuape.

Marcos 13:3

Hãma jyraha reta Ñana'õ Olivoty tũpao hỹnonde, haipe Jesús vapy'ẽrã, Pedro, Jacobo, Juan hareka Andres pyrãndushu reta hã'ẽĩ õpe:

Marcos 1:29

Õhẽjy Judiore ñymbatyseaivirã Jesús oho Simón hareka Andres hentape, hãndi Jacobo hareka Juan.

Mateo 26:37

Hãrã raha Pedro hareka mokue Sebedeo tayre. Haivi õñepyrõ ñãndu'ijehe vyamba.

Mateo 20:20

Haivi ñymboja Jesús ẽvãpe Zebedeo hyreko, membyre hãndi Santiago hareka Juan, hãrã ĩñesu Jesús hỹnonde jurureshu verã pente mbai.

Mateo 17:1

Haivi 6 arajyape Jesús rahashu Pedro, Santiago hareka tyvy Juan, jupi reta yvyturusure.

Apocalipsis 22:8

She, Juan ahesha hareka ahendu opaite kova mbai. Hãme ahesha hareka ãhẽndumarã, ãiñesu Tũpa jokueva hỹnonde amombaishu verã opaite shymbyheshakava rehe.

Apocalipsis 1:1

Kova hai Tũpa heshaka vekua Jesucristo rupii, mbykuaaka verã opaite jokueva retape; kova mbai areã iko verã. Jesucristo Tũpa jokuevape mboushu mbyheshaka verã jokueava Juan,

3 Juan 1:1

She Juan, akuakuamava ambyparashu kova kuatia, shyryvy Gayo añete ahaihuva.

Apocalipsis 18:20

Ryvy'apo nde ara vate'õ, pyvy'apo jyve pee heko kyambare, apostolre hareka Tũpa ĩñee mbeu'iare, shara Tũpa nũpamarã, japomape ñimbivacheva ryheva.

Marcos 6:30

Hãma apostolre jyveru ñymbatyjy hãndi Jesús, haipe mbeushu reta opaite japovare hareka pyrỹmboihe vekuare.

Juan 6:67

Haipe Jesús pyrãndushu 12 mboireare: Peera patẽyma shimi'ĩrũpi jyve?

Juan 6:70

Jesús heishu: Sheeãra apyrỹpyhỹrõ 12 pẽĩva? Kyrãtẽva pynymbytepe'ẽ pente Añarã'ia.

Juan 6:71

Kyrã heirã, Jesús ijetahe Judas, Simón Iscariote tay. Shara Judas hai Jesús pysyka verã, haitẽ jyve penteva 12 mboireare.