Mateo 10:1 - NandevaBiblia

¹ Jesús hẽno 12 mboireare, meẽshu mbaikatu, mohẽ verã mbaiposhyre, hareka mynguera verãre mbairasy marãrãngatu vekua.

Mateo 10:1 Referans Kwoze

Lucas 10:19

She ameẽ pee mbaikatu pypyrõhe verã mboi hareka vãkyrãpere, hareka pijepyhe verã pyndyresha tamba'iare ñymbaikatu, mbaimbaa japo pyndyrehevape.

Lucas 24:49

Hãrã She amboupo pẽãrẽkui Sheru ĩñee meẽ vekua; tẽvã pypytakui ko tenta Jerusalénpe ou peve pẽãrẽ mbaikatu ouva vate araivi.

Hechos 1:8

Tẽvã Espiritu Santo vejymapyrerã ĩmepopyre mbaikatu, hãrã pẽhẽpo shymbeupi Jerusalenpe, Judeape, Samariape hareka yvy japyapevepo mbe'uha ko shiñee.

Juan 3:27

Juan heishu reta: Mba'ety maĩnunga ĩmere verã Tũpa mẽ'ẽãshurã.

Lucas 6:13

Hãmã kõĩ jyrã Jesús hẽno mboireare mbyteivi 12 hai mondo verã, hokavape mbyhee “apostol”.

Lucas 21:15

Shara sheepo ameẽpekui ñee hareka mbaikuaa, katumba pyndyvaishore jepy pyndyrehe verã.

Hechos 19:15

Tẽvã mbaiposhy ĩjetarã mbyhovairã hei: Aikuaa rãnga Jesús, hareka aikuaa mbavara hai Pablo, tẽvã, peera mbava?

Juan 17:2

Nde rãnga opa rĩñono kuaretare Ndyray ipope, meẽshu verã tykove opambava opaite jyrojaheare, hareka rymeẽshu vekuare.

Juan 6:70

Jesús heishu: Sheeãra apyrỹpyhỹrõ 12 pẽĩva? Kyrãtẽva pynymbytepe'ẽ pente Añarã'ia.

Juan 3:35

Tũpa rãnga haihu Tay, hãrã opa mba'e ñono hai ipope.

Apocalipsis 12:1

Haivi ijyhesha arare pente tivishava mbai heshahava: Pente taupe kuarasype ñymondeva, hareka jasy ipy ipere, hareka ñakare'ẽ pente tankare ñonoava 12 jasytata ĩmerea.

Mateo 26:47

Jesús ijetateri ẽvã, vãhẽ ou Judas 12 mboireare penteva, heta ou hãndi kuaretare jykyse puku'iare hareka yvyra ryheve. Pai juhuvisha hareka kuakuavare israelpe'õre mondoshuare.

Mateo 26:20

Haipe pyntumãrã, Jesús vapy mesape 12 mboireare hãndi.

Mateo 19:28

Jesús heishu reta: Ãñete hai pee, vãhẽma ara opa mbypy'ahuajy verã, hareka kuareta Tay, vapypo vapyhapya hĩmbipevape. Hãrã mĩ'ĩrũ vekua vapyĩpo jyvepy 12 ẽvãpe, mbaikavikue japo verã 12 ñymoñare Israelva retape.

Mateo 6:13

Avy ma'ẽĩhe to'aha jepyarããpe, koñeĩ porãmbaivi yryrekyshi. Shara na'ãpova hai mburuvisha vasurãrẽĩvape, mbaikatukue hareka himbipekue, opa ara pevarã. Amén.

Mateo 4:23

Jesús opa vatahupi Galileape, Judiore ñymbatyseape pyrỹmboihe Ñee kaviva mbeu Mburuvisha vasurã vate araivi ouva ryheva, kuareta ñymbairasy vekuare opa mynguera.

Mateo 9:35

Jesús vata opaite tentamire'õĩpi, hareka tenta vasu retaipi pyrỹmboihe Ñee kaviva Judiore ñymbatyseape mbeu Mburuvisha vasurã vate araivi ouva ryheva, hareka mynguera ñymbairasyvare.

Mateo 9:38

Hãrã pirureshu koo ija hareka tymboushu kuaretare mba'apo verãre”.