Mateo 1:22 - NandevaBiblia

²² Kova mbai jehu, hekope kavi iko verã Ñandeja heiva Tũpa ĩñee mbeu'ia rupii:

Mateo 1:22 Referans Kwoze

Lucas 24:44

Haivi heijyshu reta: Kova rãnga hai ãmbeupe vekua, ãĩmeteri'ãĩ pynymbyteperã, ikoñoĩ shyre verã Moisés mbypara vekuapy'õ hei shyreva hãndi Tũpa ĩñee mbeu'iare jy kuatiape hareka Salmo py'õ.

Mateo 2:23

Vãhẽ jyraha haiperã, oho iko jyre tentami Nazaret he'iashuvape. Kyrã jehu iko verã hekope kavi Tũpa ĩñee mbeu'ia hei vekua: “Jesús mbyheeapo Nazareno”.

Hechos 3:18

Tẽvã Tũpa kyrã japo opa iko verã Tũpa ĩñee mbeu'iare rupii mbeu vekua; Mesia manoñõĩ verã.

Juan 18:9

Hokava jehu Jesús hei vekua ikoma verã: “Sheru meẽshe vekuare, penteã kãñy”.

Mateo 13:35

Kyrã hekope kavi iko verã Tũpa ĩñee mbeu'ia mbeu vekua: Aijetaposhu kuaretare ñee ñymyhã'ãnga rupii; ambeuposhu mbai ñemiãpe'õ Tũpa japorãvãi ko yvy'ĩãrẽ'õre.

Juan 17:12

She ãĩme'ãĩ hãndi reta ko yvy'ĩãrẽrã, ãĩngarekohe ndyreepe rỹmeẽ she vekuare, hareka ãingarekohe reta. Hãrã mba'ety hairetava kañy shyheviva, koñeĩ pente kañy, hekope kavi iko verã mbyparahavapy'õ heiva.

Juan 15:25

Tẽvã kyrã jehu shara ikoñoĩpo ñee mbyparahava haire jykuatiape'õ: “Shyreshatããrei jyre”.

Juan 10:35

Jaikuaa kavi rãnga mbyparahava, katumba mbairã ñambijicheva; Tũpa rãnga mbyhee tũpare, opaite ĩñee pysy vekuare.

Mateo 13:21

tẽvã hapo koĩpĩĩrã, kyããpo'ẽ. Iko'asyma'ẽrã hareka ijeta porããhe reta jyrojakue reherã, areã sarejyhe Tũpa ĩñee.

Mateo 12:17

Kyrã rãnga jehu iko verã hekope kavi Tũpa hei vekua Tũpa ĩñee mbeu'ia Isaia rupii:

Mateo 2:15

Haipe pyta reta Herodes manopeve. Kyrã jehu iko verã hekope kavi Ñandeja hei vekua, Tũpa ĩñee mbeu'ia rupii: “Egiptoivi ãheno shyray”.

Mateo 8:17

Kyrã jehu, hekope kavi iko verã Tũpa ĩñee mbeu'ia Isaias heiva rãĩmi: “Hai opa heky ñandyhevi ñany kangykue, hareka opa raha ñanymbai rasykue”.

Mateo 5:17

Avy pimoã ai ambai verã Moisés mbypara vekua hareka Tũpa ĩñee mbeu'iare pyrỹmboihe vekua; she aiã ambai verã, koñeĩ hekope kavi ajapo verãi rãnga.

Lucas 21:22

Shara jahehahe verãre jy'arapo, iko verã hekope kavi Tũpa ĩñeepe heiva rãĩmi.

Apocalipsis 17:17

Tũpa pyape ñonoshu reta haire potavẽĩ japo verã, shara pente ñeepe ñynoĩ meẽshu verãre mbaikatu mymba ñarõva opa ikopeve Tũpa hei vekua.

Romano 1:2

Hai ĩñee meẽmaĩmba hokava Ñee Kaviva Tũpa ĩñee mbeu'iare rupii Mbyparahavare kyambavapy.