Marcos 9:43 - NandevaBiblia

⁴³ Ndepo ndirity mbai porãmbaperã, jasyja; haikavivepo ndepo hyvaishoĩ riche Tũpa ẽvãpe, mahẽ ndepo mokue ryheve rehokui tata vasupe, tata katumba oveape,

Marcos 9:43 Referans Kwoze

Mateo 25:41

Haivi mburuvishavasu heipo jasu kyty'õ retape: “Pysyry shyhevi, pee pimepẽĩva Tũpa ñunũpa'ipe; pekuape tata opamba'õpe myhẽvãha Ãña hareka jokuereare pevarã.

Hebreos 12:1

Opaite hokava kuaretare ĩme'ẽ ñandijerekue ñandyresha'ẽva! Hãrã opapo ñambijiche mbai porãmba vekua ñandochava, shara tykove hai pente mbaretepe jykarerava.

Mateo 5:22

She hai pee, ĩme'ẽ hapisha poshyshuarã rahapo mbivacheha verãpe. Ĩme'ẽ heishua hapisha “Mba'ẽã rikuaa”, rahapo kuakuavare hỹnonde; hareka hapisha jypejuheva hokava mombohapo tatavasupe.

Galatas 5:24

Tẽvã Cristo ryhevare, rahama reta kurusure heko porãmba vekua pyape'õ, hoo potava hareka mbai potakue ryheve.

Mateo 3:12

Ũrũpe ipopemare trigo mbova verã, hãrã yngaipo ñonoshi ky'akue, ñono kavipo oo'ipe trigo hãỹ, tẽvã ky'akue hapypo tata ovembape.

Tito 2:12

Ñanymboihe jaheja verã mbai porãmba hareka mbai potakue ko yvy'ĩãrẽ'õ, jaiko arãndupe, heko kavipe hareka tykove mbijicheava Tũpa pevarãpe,

Colosenses 3:5

Hãrã pijuka pyndypyape'ẽvã porãmba vekuare, jaishu kyrãrãĩ'ia ryheva, mbai pyrỹmyngyava, mbai potaiiva ryheva, hareka kate'ỹkue, hokava ha'ẽĩjy ñamombaiva Tũpa rã'anga.

Romano 8:13

Shara piko pijapo pyndyrete potavarã, pymanopokui; tẽvã Espiritu rupii pijuka pyndyrete potavarã, pipitypo tykove.

Lucas 14:13

Haikavive rãngapo, karu vasu rijaporã, rỹhẽnokave pavete'iare, jyvambava, vatambavare, hareka heshamba kuvãĩpiare;

1 Pedro 2:1

Pyheja opaite marãrãngatuva porãmba vekuare, japukue, hova mokueva, hapishatambaa, hareka ñee porãmba vekuaivi.

1 Corintios 9:27

Kyrãte verã, amungungue shyrete hareka amiñerã japoshe verã, mahẽ yngava retape añimiñee aishuape, shimbijicheajykui.

Lucas 14:21

Hãma oujy jokuehareirea, opa mbeushu jokue'õ. Hãma oo ija poshy hãrã mondo jokuereirea: “Narẽ'ãĩte ekua ko tentahupi, vataha õĩpi hareka pehupi, hareka eru kope pavete'iare, mba'erãveama'iare, porãmba vatavare, hareka kũvãĩpi heshaveamavare”.

Mateo 17:27

Kyrãrã, potamba poshy ñande verã mbava, ekua ity nipinda yyvasupe, tynonde pira rynohẽva jurupy rymaĩrã ryvãĩposhukui nikere ñande pevãrã, raha meẽshukui hokava.

Marcos 9:44

haipe tasore manoã hareka tata ove'ãĩtei.

Lucas 3:17

Imẽmare ipope mbyvevepy verã hareka mypõti verã trigo hãy, hekyshi verã kapii, haivi hã'ykue natupo hyrupe, tẽvã hapypo kapii tatapy ovemba verãpe.