Marcos 9:29 - NandevaBiblia

²⁹ Jesús heishu reta: Kyrãvã mbaiposhy, koñeĩ mbaimba ho'uavape hareka ñymboi katu mohẽhã.

Marcos 9:29 Referans Kwoze

Santiago 5:15

Hãrã ñymboi jyrojakue ryheve japoava mynguerapo ñymbairasyva, hareka Ñandeja mupuãjypo; ĩme mbai porãmba japorã, hejahareiiposhu.

Mateo 17:20

Jesús heishu reta: Sa'ite pirojarã. Ãñete hai pee, pirojakue mbairãỹ mishĩva rãĩmirã, pereposhu yvyturusu: “Syry koivi, ãupe syryjy”, japoĩpo jyvepe. Opa mba'e katu pijapo.

Efesios 6:18

Pimboi jyvyĩ Tũpape pirure Espiritupy pymaĩ kavi pyndykovere hareka avy pypoi pimbo'ehe opaite heko kyambare.

2 Corintios 12:8

Mbahapyjy airureshu Ñandeja, heky shyhevi verã kova mbai.

2 Corintios 11:27

heta porãã ahasa amba'aporã hareka shykangyrã, ache kavimbape, ñymbahy hareka uhe, akarumbape, ro'ype hareka mba'ety ãmondevape;

Lucas 11:26

Hãma oho veru 7 mbaiposhy porãmba'aiteveshiva, hãrã opa ichepy reta kuimbai. Hãrã ko kuimbai ikoveama arykaiva rãĩmi, heko porã'ãĩtevejy tynonde vekuaivi.

1 Corintios 9:27

Kyrãte verã, amungungue shyrete hareka amiñerã japoshe verã, mahẽ yngava retape añimiñee aishuape, shimbijicheajykui.

Hechos 14:23

Ñono jyve reta pepenteĩ kuakuavare ñyngareko verãre tũpaope, haivi opa jurure hareka karumbape ñynoirã hejashu reta Ñandeja ipope, haire jyroja jyvehe.

Mateo 12:45

Haivi, oho hareka veru 7 ĩrũre mbaiposhy heko teitevevare hãrã ichepy reta hareka iko jyre haipe. Kyrã, kuimbaire hykovepe porã'ãĩteve õnepỹrõvaivi. Kyrãpo jehukui opa heko ñarõvare ã'ẽvare.

2 Corintios 6:5

urũnupãhãvape hareka ỹrỹmbyperesoavape, ñymomohẽ vasuvape, pohy mba'apoavape, ochehambape hareka irĩmbahyvape,

Mateo 17:21

Tẽvã, mbaimba peuva ryhevepepo pirureshu Tũpa, hãmẽrãpo katu pymohẽ kyrãva mbaiposhyre.

Marcos 9:28

Haivi Jesús iche o'ipe, hã'ẽĩ õpe mboireare pyrãndushu: Marã'ĩrãra mbaiposhy katuã mohẽãshi'ore?

Marcos 9:30

Õhẽjy reta haivirã hasa jyraha Galileaipi, tẽvã Jesús potãã mbava kuaa,