Marcos 9:25 - NandevaBiblia

²⁵ Jesús heshama heta kuaretare jatyherã, poshy ryheve heishu mbaiposhy: Nde, mbaiposhy ña'ẽnguva hareka japysamba, she hai nde ẽhẽshi kova kunumi ray, hareka ỹtẽñoma ichepykui!

Marcos 9:25 Referans Kwoze

Hechos 16:18

Hãrã heta ara kova japo'i. Pablo henduseveãma heivarã, jerepyrã heishu mbaiposhy taupe iko'ipya: She hai nde Jesucristo heepe, ẽhẽshi ko kuñataĩ! Hãrã haipevaĩ mbai porãmbava õhẽshi ko kuñataĩ.

Lucas 9:42

Hãrã kunumi ray ou'ia ryheveĩ, mbaiposhy mombojy yvype hãrã hỹnatu opa mbyryry. Tẽvã Jesús poshy ryheve heishu mbaiposhy, mynguera kunumi ray, haivi meẽjyshu tuu.

Marcos 9:15

Kuaretare Jesús heshamarã, mbyrymaĩhe reta, hãrã opa ñani jyraha marãndushu.

Mateo 17:18

Haipe Jesús poshy ryheve heishu mbaiposhyperã, õhẽshi kunumiray, hãrã haiperaveĩ kuera.

Judas 1:9

Miguel, Tũpa jokueva juhuvishateiva kyrã japo jyve Ãña ñyrãrõ hãndirã vekua, hekyshi verã Moisés hetekue, tẽvã jaheãhe, koñeĩ heishu: “Ñandeja tijahe ndyrehekui”.

Lucas 11:14

Jesús mohẽshi pente kuimbai mbaiposhy miña'ẽngureva. Mbaiposhy õhẽmashirã, ña'ẽngu vekua ĩjetajy, kuaretare opa mbyrymaĩ reta.

Lucas 8:29

Kyrã hei shara Jesús heishu mbaiposhy õhẽshi verã. Hetajy mbaiposhy pysy jyshu, hãrã pyta verã pente hendapẽi, ñapitĩha kadenape ipo hareka ipyre, tẽvã opaĩ myndoso ijuhuvi, hãrã mbaiposhy rahashu yvy ikoambaipi.

Lucas 4:41

Heta ñymbairasy vekuaivi õhe jyve mbaiposhy sapuke jyrerã hei reta: Nde hai Tũpa Tay. Tẽvã Jesús poshy ryheve ijetashu reta hareka mã'eĩahe ijeta reta, shara haire kuaa Cristorã.

Lucas 4:35

Jesús poshy ryheve heishu mbaiposhy: Jasaka, ẽhẽshi ko kuimbai! Haivi mbaiposhy mombo yvype kuimbai, hetavare mbytepe, hãrã õheshi mbaimba japoheape.

Mateo 12:22

Haipe veruhashu pente kuimbai Jesús ẽvape mynguera verã, heshamba kũvãĩpiva, ña'ẽnguva, hareka mbaiposhy ĩmerea. Jesús mynguerashu hãrã ko kuimbai hesha hareka ijetajy.

Marcos 9:24

Haipe kunumi ray tuu sapukerã hei: Airoja rãnga, shymbory tairoja katu!

Marcos 9:26

Haipe mbaiposhy sapuke, hỹnatu opa mbyryry kunumirã õhẽshi; juka ñonorã manova rãĩmi'ẽ, hãrã heta'ẽ heiva manomava.