Marcos 8:11 - NandevaBiblia

¹¹ Haipe vãhẽ jyveru fariseore hareka õñepyrõ hehei ñynoĩ ijupe hãndi reta hãrã pyahããshu verãre Jesús, haire jurureshu mbai heshaha verã vate araivi ouva.

Marcos 8:11 Referans Kwoze

1 Corintios 10:9

Avy ñambyposhyka Ñandeja, heta haire mbyposhykava rãĩmi hareka opa mano mboi shuu retarã.

Mateo 12:38

Haivi fariseore hareka Moisés mbypara vekua pyrỹmboi'iheare heishu reta Jesús: Pyrỹmboi'ia, potaha rãnga rijapo pente mbai heshaha verã.

Juan 4:48

Haivi Jesús heishu: Pee pyheshãã heshaha verã hareka mbaikavi heshaha verãrã, pyrojããpo.

Lucas 11:16

Yngavare pyahããshu verã Jesús, jurureshu reta mbaikavi heshaha verã vate araivi ouva.

Hechos 5:9

Haipe Pedro heishu: Marã'irãra penteva ñeepe piñiñono pindijapushu verã Ñandeja je Espiritu? Hokapema vãhẽjy jyveru neme hetekue raha ñotyvare, hãrã haire ã'ẽ ndyrahapo jyve niñoty verã.

Juan 7:48

Ĩmera'ẽ huvishare, maĩrã, fariseore jyrojaheare?

Juan 6:30

Hãrã pỹrandushu reta: Mbaivara ryheshakapo'ore mbaikavi heshaha verã, heshaharã rojaha verã? Mbaivarapo rijapo?

Lucas 10:25

Haivi ñymbojahe pente Moisés mbypara vekua pyrỹmboi'ihea pyahããshu verã, pyrãndushu Jesús: Pyrỹmboi'ia, mbaivarapo ajapo apity verã tykove opambava?

Marcos 12:15

Tẽvã Jesús kuaa potai kyrã jyrerã heishu: Marã'ĩrãra aapy verã piñonopẽĩ she? Perushe pente nikere tamaĩhe.

Marcos 2:16

Hãma Moisés mbypara vekua pyrỹmboi'iheare hareka fariseore, hesha Jesús karu ñynoĩ hãndi mbai porãmba japo'iare kyrypoti okorase'iare Roma pevarã pyrãndu jyreshu Jesús mboireare: Marã'ĩrãra pynymboi'ia karu hãndi heko porãmba'iare hareka tenta jurureva okorase'iare?

Mateo 22:23

Hoka arapevaĩ Saduseore oho reta Jesús ẽvãpe. Saduceore rojããmba hai manova kuerajy verã, hãrã heishu reta Jesús:

Mateo 22:18

Jesús kuaa potai kyrãĩ hei jyreshurã, heishu: Pee hova mokue'iare! Marã'ĩrãra pota shiñono porããpi?

Mateo 22:15

Fariseore ijeta ijupi retarã pente ñeepe ñynoĩ pysyka verãre Jesús, hareka heivare ñonovaishu verãre.

Mateo 21:23

Jesús ichejy tũpaope, haipe pyrỹmboiteri'õ, vãhẽ jyveru hai ẽvãpe pai juhuvishare hareka kuakuavare Israelva huvishare, pyrãndu jyreshu: Mbavara heinderã rijapo kova mbai? Mbavara meẽ nde ko mbaikatu?

Mateo 19:3

Fariseore ñymboja Jesús ẽvape pyahãshu verãrã pyrãndushu: Katura mbaimba reheĩ pente teme poishi hyreko?

Juan 8:6

Haire kyrã pyrãndushu hããshu verã retaĩ. Tẽvã Jesús jyroarã õñepyrõ yvyre mbypara.

Marcos 9:16

Jesús pyrãndushu reta: Mbaiva rehera pijaopẽĩ hãndi reta?