Marcos 5:7 - NandevaBiblia

⁷ Hãma hỹnatu sapukerã hei: Jesús, Tũpa vateve'õ Tay, mbaivara ĩmeryre shendie? Airurende Tũpa heepe avy rivareite shyrehe verã!

Marcos 5:7 Referans Kwoze

Mateo 8:29

Mbai poshyre hỹnatu sapuke jyrerã hei: Mbaivara ripota yryhevi Jesús, Tũpa Tay? Reira rivare yryrehe ara ndeiteri japyva?

Hechos 16:17

Kova kuñataĩ ou iripii hareka Pablo, sapuke: Kova kuimbai reta rãnga hai Tũpa vate õ jokueva, haire mbeupe ohojepeva hape.

Judas 1:6

Hareka Tũpa jokueva ẽẽmba vekuare õĩ verãpe, koñeĩ opa heja reta ha'eire hoo, Ñandeja mbypereso ñono timimbiape hareka opa ara ñimbivacheha ara vãhẽmarã.

Mateo 26:63

Tẽvã Jesús jasakaĩ'i. Haipe pai juhuvisha hei jyshu: Tũpa hykove'ia heepe mbeu ore, ndera hai Cristo Tũpa tay?

Apocalipsis 12:12

Hãme rãnga pyvy'aĩpo ara vate'õva hareka pikopyva! Tengapo yvy'ĩãre'iare hareka yy vasupy iare! Shara poshyite ryheve Ãña vejymape, kuama jy'ara pukuveama potarã.

Hechos 19:13

Tẽvã ĩme'ẽ Judiore vatarei'iare mbaiposhyre kuareta retaivi mohe jyreare pota poryjyre Ñandeja Jesús hee, hãrã hei reta mbaiposhype: Jesús, Pablo mbeu'ia heepe hai pee, pẽhẽshivi!

Lucas 8:28

Heshama Jesús perã iñesu hỹnonderã sapuke: Jesús, Tũpa vateve õ Ray, mbaivara nde imẽryre shendie? Airure nde avy jahe shyrehe.

Marcos 3:11

Haipe mbaiposhyre heshamarã, ĩñesu hỹnonderã, sapuke: Nde hai Tũpa tay!

Mateo 4:3

Haipe Ãña ñymbojahe Jesús pyahãã verãrã heishu: Nde hai Tũpa tayrã, ereshu kova ita tikoshi pãhã.

1 Juan 3:8

Tẽvã mbai porãmbavaĩ japo'ia Ãña ryheva hai, shara õñepyrõaivive Ãña japo mbai porãmbava. Hokava rehe rãnga ou Tũpa Tay, opa mambai verã Ãña japovare.

2 Pedro 2:4

Shara Tũpa hejareiãmba arykai hai jokuevare porãmba japorã, koñeĩ mombombashu reta tata vasupe. Haipe hejashu reta pyntuvape ñapintĩhavape hareka natuha verãre ara Tũpa jahe pyryrehe verãpe.

Marcos 1:24

“Mbaivara ripota yryhevi, Jesús Nasareno? Reira opa irijuka verã? She arykuaa mbavara nde, nde hai Tũpa mbouva, heko Kyamba!”

Mateo 16:16

Simón Pedro heishu: Nde hai Cristo, Tũpa tay hykove'ia.

Hebreos 7:1

Kova Melquisedec haimba Salempe huvisha vasurã'õ hareka pai Tũpa vateve'õ ñonova, Abraham oujy ñyrãrõivi mbysypema yngava huvisha retarã, Melquisedec oho hỹvãĩtishu hareka maĩkavihe.

Hebreos 2:14

Hãrã tayre ho'o hareka huvykueivi me'ẽha jyveshu Jesucristo tyro'o hareka tuvy, ñymano rupii jukashu verã Ãña, hokava ñymano ijakue.

Hechos 8:36

Hãma hasama jyraha yyvasu ẽvãperã, ko karai eunuco hei: Kope ẽẽ yy, katuãra ã'ẽvãĩ shymyngarai?

Juan 20:31

Tẽvã kovare ñonoha pyroja verã Jesús haiva Cristo, Tũpa tay, pirojaherã ĩmepyre verã tykove opambava hai heepe.

Lucas 6:35

Pee rãnga pyhaihupo pyndyresha tamba'iare, hareka pijapopo haikaviva; pyporyka mbaiva mba pyhãrõ myngoviajy pee verã. Kyrãrãpo hetave myngovia jy pee kui. Hãrã ikopo pyndy hevi Tũpa vateve'õ Tay; hai rãnga pya kavi hãndi pyrypareko mba hareka poshyva.

Lucas 4:34

Mã'ẽi yryrehe! Marã'irãra rỹmai yryrehe Jesús Nazareno? Reirapo opa õrẽhũndi? She arykuaa mbavara nde: Nde hai heko kyambava Tũpa mbouva!

Lucas 1:32

Hai mbaivasupo hareka mbyheeaposhu Tũpa Tay vateve'õ; hãma Tũpa Teja japoposhi Mburuvisha vasu, tynondeshivare David rãĩmi.

Marcos 14:61

Tẽvã Jesús mba'ẽã hei, mbyhovaimba. Hãma paire juhuvisha hykuãi pyrãndujyshu: Ndera hai Cristo, Tũpa heko kaviva Ray?

Romano 16:20

kyrãrã Tũpa pyakaviva areãpo pyrõ ñonohekui Satanás pepy ipe. Ñandeja Jesús jy'ajetekue toĩ penendie.

Marcos 5:6

Hãrã mbyryivi Jesús hesharã ñani ou jykotyrã, ĩñesu hỹnonde.

Marcos 5:8

Jesús heishu: Mbaiposhy, ẽhẽshi ko kuimbai!

Santiago 2:19

Nde ryroja Tũpa penteĩ'õ; rijapokavi! Mbaiposhyre rojaĩ jyve kova hareka opa ryry reta kyjeiterã.