Marcos 5:15 - NandevaBiblia

¹⁵ Vãhẽma jyraha Jesús ẽvãperã hesha reta kuimbai mbaiposhy ĩmere vekua vapy'ẽ, ñĩmimonde hareka haikavijyma'ẽrã. Hãrã kyje jyre.

Marcos 5:15 Referans Kwoze

Colosenses 1:13

Tũpa rãnga ñanynohẽ pyntuivi, hãma ñaniñono Tay haihuva ẽvãpe,

2 Timoteo 1:7

Shara Tũpa me'ẽã ñande pente espiritu jakyjejai verã, koñeĩ mbaikatu, jyhaihu hareka ijijokokuaa.

Lucas 8:27

Jesús vejymarã vãhẽ oushu pente kuimbai hoka tentape õ, kurimba mbaiposhy ĩmereva. Ñimimonde jymba hareka ikojy mbava hentape, tã õvere õipi i.

Marcos 5:9

Haivi Jesús pyrãndushu: Marãra hei'o ndyree? Hai hei: Legion he'ia rãnga she, shara yryreta.

Lucas 10:39

Marta ĩmere pente kypyy Maria he'iashua, ou vapy Ñandeja hỹnonde jasaka'ẽhẽ hai heiva.

Marcos 5:18

Jesús jupijy kanoaperã, ko kuimbai mbaiposhy ĩmere vekua, jurureshu oho hãndi verã.

Marcos 5:16

Hãma kuaretare heshava Jesús, mbeu mbaivara ikohe kuimbai mbaiposhy ĩmere vekua hareka kushire.

Marcos 5:4

Ajemaĩ ipy hareka jyva pokuahashi kadenape, tẽvã opaĩ mỹndoso, mba'ety jepyheva.

Mateo 12:29

Mbavarapo icheva pente kuimbai pyrãtava hentape manãrõshu verã, ñapintiã hareka ipy jokuarãniããrã. Kyrã japorãrãpo katu manarõshu.

Mateo 4:24

Jesús kuaaha opa Siriaipi. Hãrã veruashu opaite marãrãgãtu ñymbairasy vekuare, mbaiposhy ĩmereare, kuakuamba'ia hareka vatamba vekuare. Jesús opaite mynguerashu reta.

Mateo 9:33

Jesús mohẽshi mbaiposhyrã, ña'ẽngu'ia õñepỹrõ ijetajy, hãrã kuaretare haĩrã hesha retarã heijyre: “Mapeã kyrãva mbai heshaha Israelpe”.

Mateo 26:53

Rikuãra katuĩ airure jyveshu Sheru, aipotarã hai katupo mbou 12 õ ñymbatyva jokuevare?

Marcos 5:14

Hãma kushi ñyngareko'iheare opa ñyvãhẽrã, jyraha mbeu ikova tentaipi hareka ñuu hupi. Hãrã kuaretare jyraha hesha ikova.