Marcos 4:11 - NandevaBiblia

¹¹ Jesús heishu reta: Pee rãnga ñemiãpe'õ Tũpa ẽvãpe'õ ryheva pynymbykuahaka, tẽvã yngavare mbe'uashu reta ñee ñymyhã'ãnga rupii;

Marcos 4:11 Referans Kwoze

Mateo 11:25

Hokava ara vãhẽrã Jesús hei: “Apyrahende Sheru. Nde hai yvy hareka vate arapy'õ Ija, rĩñomishi ñy'ãrãnduvare hareka mbai kuavare, hãrã rymbykuakashu sanjaymi retape.

Lucas 8:10

Jesús heishu reta: Pee rãnga Tũpa pynymbykuaaka mbai iko verã Tũpa ẽvãpe'õ ryheva; tẽvã yngava retape aijetashu ñee ñymyhã'ãnga rupii, hãrã mãĩte'ivare heshambava rãĩmi, hareka hendutẽvare kuãã reta.

1 Juan 5:20

Jaikuaa kavijy Tũpa Tay ouva hareka meẽ ñande mbaikuaa jaikuaa verã Tũpa añeteva hareka ñande ñañymypente hãndi verã Tay Jesucristo. Hoka'ẽ Tũpa añeteva hareka tykove opambava.

1 Tesalonicenses 4:12

Kyrãrãpo mbai vasuva rãĩmi pindijapo haimba ñandyryhevare, hareka ĩmeñoĩpopyre maĩnunga.

Colosenses 4:5

Ãrãndupe piko hãndi Cristo jyrojambaterihevare, pipory kavi hoka ara pijetashu verãre.

1 Timoteo 3:7

Tekotẽvẽ ijetaha kavijyvehe Jesús jyrojambaterihevare mbytepe, mahẽ ijetaha porããhe hareka oakui Ãña ñonovapy.

Efesios 1:9

hareka kuaaka ñande mbai Hai potava kuaretare ñomiãreshia Cristo rupii, shara kyrã Hai pota.

2 Corintios 4:6

Shara Tũpa teimba, hei timimbivape sape verã hendyva, hai sapeka ñandypyape, sape verã hareka kuaaha verã Tũpa hĩmbipekue, hĩmbipeva Jesucristo hovare.

Mateo 16:17

Jesús heishu: Ryvy'apo nde Simón, Juan tay, shara mba'ety kuaaka ndeva so'o hareka tuvy, koñeĩ Sheru vate arapy'õ kuaaka nde.

Mateo 13:16

Pyvy'apo pee, shara pyhesha pyndyresa rupii, hareka pyhendu papysa rupii.

1 Corintios 4:7

Mbavara niñono yngavare ĩãrẽ? Mbaivara Tũpa me'ẽãteri nde? Hai meẽ nderãra, marã'ĩrãra rirojarihe ndeii opa ripityva rãĩmi?

Marcos 3:23

Jesús hẽnorã mbeushu reta pente ñee ñymyhã'ãnga heiva: Marãrapo Satanas mohẽjy yngava Satanas?

Marcos 4:2

Hãrã heta mboishu reta mbai ñee ñymyhã'ãnga rupii, hãma pyrỹmboi'ẽrã hei:

Marcos 4:10

Haivi Jesús hã'ẽĩma ñỹnoĩ hãndirã pyrãndushu reta 12 ia mboireare hareka haipe õĩ hãndivare, mbaivara he'ise hoka ñee ñymyhã'ãnga,