Marcos 2:16 - NandevaBiblia

¹⁶ Hãma Moisés mbypara vekua pyrỹmboi'iheare hareka fariseore, hesha Jesús karu ñynoĩ hãndi mbai porãmba japo'iare kyrypoti okorase'iare Roma pevarã pyrãndu jyreshu Jesús mboireare: Marã'ĩrãra pynymboi'ia karu hãndi heko porãmba'iare hareka tenta jurureva okorase'iare?

Marcos 2:16 Referans Kwoze

Lucas 19:10

Shara Kuareta Tay ou heka hareka mondojepe verã kañy vekuare.

Lucas 18:11

Fariseo ñymboy'õpe kyrã jurure: Tũpa, ameẽnde shy'ajetekue shara ha'ẽãshe yngavare kuaretare rãĩmi aikova: Manarõ'iva, heko porãmba, ynga pota ijya, hareka ha'ẽãshe ko kyrypoti mbatyse'iare Roma pevarã rãĩmiva.

1 Corintios 2:15

Hãrã Espiritu Tũpaivi ouva ĩmereva opa maĩkaviherã, kuaa kavi. Tẽvã Espiritu mba'etyreva katuã maĩkavihe, hareka ẽẽãshu kuaa verã.

Hechos 23:9

Opa sapuke reta, haipe ĩme'ẽ jyve Moisés mbypara vekua pyrỹmboi'iheare fariseova, pũã retarã hei: Ko kuimbai rãnga japoã porãmba. Ĩmerã Tũpa jokueva hareka espiritu ijetashu.

Lucas 19:7

Hokava heshama retarã opaiteva ijeta porãã jyrehe, hei reta kuareta heko porãmbava hentape oho pytava.

Hebreos 12:3

Pyndypya pimbijetahe ñymyha'ãnga Jesús ryheva, heta hasashi ñymymorãmba vekua mbai porãmba japo'ia retaivi, tẽvã hai ohoĩ tynonde. Hãrã avy piñymeẽ hareka piñymykangy.

Marcos 2:7

“Marã'ĩrãra kova kuimbai kyrã ijeta? Jaitamba rãnga he'i! Mbavarapo hejareii ñande mbai porãmba jajapo vekua? Penteĩ rãnga'ẽ, hokava hai Tũpa”.

Mateo 18:17

Hãma potã hendushu retarã, mbeu tũpaope, hãrã hẽnduseãjy tũpaoperã tẽvãra, pijaposhu haimba pyndyryhevava kyrypoti mbatyse'iare Roma pevarã rãĩmi.

Mateo 9:11

Fariseore hokava hesharã pyrãndushu Jesús mboireare: Marã'ĩrãra pynymboi'ia vapy karu hãndi kyrypoti mbatyse'iare Roma pevarã, hareka mbai porãmba japo'iare?

Mateo 5:46

Pee pyhaihupi pyndyraihu'ia retairãra, mbaivapepo mbyhekoviajype? Kyrypoti mbatyse'iare Roma pevarã retave rãnga kyrã japo.

Marcos 2:15

Hãma jehumba, Jesús vapyma'ẽ mesape Leví hentaperã, kyrypoti mbatyse'iare Roma pevarã, mbai porãmba japo'ia retaave ou vapy hãndi, hareka mboirea reta jyve; shara heta'ẽ ouva haykue.

Lucas 5:30

Tẽvã Moisés mbypara vekua pyrỹmboi'iheare hareka fariseore ĩñee mombo jyrehe Jesús mboireare hãrã heishu reta: Mãrã'irãra pykaru hareka piñymbyu hãndi kyrypoti mbatyse'iare Roma pevarã, hareka mbai porãmba japo'iare hãndi?