Marcos 14:18 - NandevaBiblia

¹⁸ Haipe mesape karuma ñynoĩrã Jesús heishu reta: Ãñeteĩte hai pee, pente pynymbytepe'õ, akaru'ãĩ hãndiva shymeẽpokui.

Marcos 14:18 Referans Kwoze

Juan 6:70

Jesús heishu: Sheeãra apyrỹpyhỹrõ 12 pẽĩva? Kyrãtẽva pynymbytepe'ẽ pente Añarã'ia.

Juan 6:47

Ãñete hai pee, jyroja shyreheva ĩmemare tykove opamba verã.

Juan 13:38

Jesús heishu: Ãñeteratẽ nde rẽĩ rỹmano shendie verã? Ãñeteĩte hainde, ndeiteri uru ñeerã, mbahapyjypo rerekui shykuambava.

Juan 13:21

Kova opa heirã, Jesús ñandu pyape vyambavarã hei: Ãñete hai pee, pente pynymbyte'õpo shypysykakui.

Juan 6:32

Jesús heishu reta: Ãñeteĩte haijype, ha'ẽã rãnga Moisés meẽpeva pãhã vate araivi ouva. Sheruteiva rãnga meẽpe pãhã añeteva vate arapy'õ!

Juan 6:26

Jesús heishu reta: Añeteĩteva hai pee, shyrekapi shara opa pynyvãta apyrỹmyngarurã, ha'ẽã pikuama mbaivara he'ise hoka mbaikavi heshaha verã ajapo vekuarã.

Juan 5:19

Haivi Jesús heishu reta: Añetevape hai pee, Tũpa Tay katuãã japo maĩnunga ijuhuvireii; Tuu hesha japovãĩ japo jyve. Opa maĩnunga Tuu japova, Tay japo jyve.

Juan 3:11

Ãñeteĩte hai nde, ore mbe'uha kuaahava, hareka kuaahakape ore hashahava; tẽvã pee pyrojãã mbe'uhapea.

Juan 3:5

Jesús heishu: Añeteĩteva hai nde, oa py'ahujymba yy hareka Espiritu rupii, katuãpo iche Tũpa ẽvãpe.

Juan 3:3

Hãma Jesús heishu: Añeteĩteva hai nde, oa py'ahujymba, katuãpo hesha Tũpa ẽvãpe.

Juan 1:51

Jesús heijyshu reta: Ãñeteĩte hai pee, pyheshapokui ara vate'õ jypearã hareka Tũpa jokuevare jupi hareka vejy ñynoĩ'ĩãrẽrã ko kuareta Tay.

Lucas 11:51

Hãma Abel huvykueivive Zacarías huvykuepeve, jukaha vekua altar hareka tũpao pãũpe. Ãñete hai pee, opaiteva jaheapo pyndyrehekui hokava rehe.

Lucas 4:24

Jesús heijy: Ãñete hai pee, mba'etypo Tũpa ĩñee mbeu'ia haihuhava hentaipi.

Marcos 14:25

Ãñeteĩte hai pee, hauveamapokui ko uva tyy, haujypeve hoka arape vino py'ahuva Tũpa ẽvãpe.

Marcos 14:9

Ãñeteĩte hai pee, mamãĩpi ko yvy jerekue mbe'uhavaipi ko Ñee kaviva, mbe'uhapo jyve ko taupe japova.

Marcos 10:29

Jesús heishu: Añeteĩteva hai pee, ĩme'ẽ shyrehevape hareka Ñee kaviva rehe hejava hoo, tyvy, hiindy, tuu, ishy, hyreko, tayre maĩrã jy'yvy.

Marcos 10:15

Añeteĩteva hai pee, ĩme'ẽ myvãhẽmbava Tũpa ẽvãpe'õ ryheva pente sanjay rãĩmirã, icheãpo vate arape.

Marcos 9:41

Ĩme'ẽ yyintẽ meẽpeva Cristo ryhevaperã, ãñete hai pee Tũpa meẽñõĩposhukui hekovia.

Marcos 9:1

Jesús heijyshu reta: Añeteĩteva hai pee, ĩme'ẽ kopepẽivã manomba verãre, ndeiteri hesha Tũpa ẽvãpe'õ ryheva ou ñymbaikatukue ryheverã.

Marcos 8:12

Jesús putuhẽ mondorã hei: Marã'ĩrãra kova kuaretare jurure mbai heshaha verã? Añeteĩteva hai, me'ẽhãpope pota pyheshava.

Marcos 6:11

Hãma ĩme'ẽ potamba pymyvahẽva hentape, hareka pynyrẽndusembavarã, pẽhẽ haivi hareka pityshi yvy timbokue pypasa, hokava hai ñymarãndu haire pevarã. Ãñeteĩte hai pee, ñimbivache jy'arape, vevyveposhikui ñunupa Sodoma hareka Gomorraivi, hokava tenta pevarãĩvi.

Marcos 3:28

Añeteĩteva hai pee, Tũpa hejareiiposhu kuimbaire mbai porãmba japo vekua hareka ijeta porãmba'iheare.

Mateo 26:21

Hãrã ocena ñynõĩrã Jesús heishu reta: Ãñete hai pee, pente peeva shymeẽpokui.

Mateo 6:5

Hãma pirurerã, avy pirure hova mokue'iare rãĩmi, hai reta rãnga haikavishu ñymboyvape jurure Judiore ñymbatyseape hareka vataha'õ retaipi ijeshakashu verã kuaretare. Ãñeteĩte hai pee, kyrã haire opama myngoviahashu reta.

Mateo 6:2

Hãrã rymbory ikotẽvẽvarã, avy mbeu'i oparupi. Japosea rãĩmi hova mokue'iare Judiore ñymbatyseape hareka vataha'õ retaipi; haire kyrã japo ijetaha kavihe verãre. She haima pee kyrã haire opama mbyhekoviashu reta.

Mateo 5:18

Ãñeteĩte hai pee, ĩmeĩteri'ẽ ara hareka yvyrã, mba'ẽãpo hekyhashi Moisés mbypara vekua, opa ikopeve ẽpyare.

Juan 21:18

Añetevape hai nde, arykai nukunumi terirã, rẽĩ kavirã pota rehova kyty reho, tẽvã rykuakuamarã rỹmysymyĩpo ndijyva, hãrã yngava retapo nimimonderã ndyrahakui natẽỹ rehova kyty.

Mateo 6:16

Hãrã pykarumbapepeĩrã, avy pyvy'ããpi hova mokue'iare rãĩmi; kyrã haire japo kuaretare heshahe verãre karuã ñynõĩrã. Ãñete hai pee, myngoviahamashu haire.

Marcos 14:17

Pỹntuma'irã, Jesús hareka mboirea 12 iare vãhẽ oho hãndi haipe.

Marcos 14:19

Haire õñepyrũ mbyvy'ã, hãrã pepenteĩ pyrãndushu reta: Sherapokui?

Lucas 22:21

Tẽvã shymeẽ verã, kope vapy'ẽjyve shendie mesape.

Juan 13:18

Ha'ẽã opaĩ aijeta'ãĩ pyndyreheva; shara she aikuaa mbava retara apyhỹrõ. Tẽvã ikoñõĩpo Mbyparahavapy'õ heiva: “Karu'ẽ shendieva, ñymbyvaisho shyrehe”.

Juan 13:22

Haipe mboireare opa mãĩ ijehe, shara kuãã reta mbavara Jesús hei'ẽhe.