Marcos 13:23 - NandevaBiblia

²³ Hãrã pingareko katu pẽĩ, ambeu'ãĩpe kova mbai ndeiteri ikorã.

Marcos 13:23 Referans Kwoze

2 Pedro 3:17

Hãme rãnga shyryvyre ahaihuva, opama pikuaa kova mbaire, pingareko pindijehe avy heko porãmbare pynymbytavykui hareka pirojakuepe haikavipeĩva pypoi pirojahekui Tũpa.

Juan 14:29

Ãmbeupe kova mbai, ndeiteri jehurã, ikomarã pyroja verã.

Lucas 21:8

Hãma hai heishu reta: Pymãĩ avy piñymbytavyka; shara hetapo'ẽ shyreepe ou heiva: “She hai Cristo, hãrã: Ko hai ara vãhẽpotamãrã”. Tẽvã avypo peho hipi.

Marcos 13:5

Jesús õñepyrõ heishu reta: Pymãĩ kavi avy mbava pynymbytavykui.

Lucas 21:34

Pĩngareko pindijehe, avy pyheja pyndypya pymytãntahe tykove porãmbavapẽĩ, kauva hareka jepy'apy ko yvy'ĩãrẽ'õre, mahẽ sapy'ãĩ vãhẽ pearẽkui hokava ara,

Marcos 13:33

Pymaĩ katupẽĩ, avy peche, hareka pirure katu shara pikuãã mbaipera vãhẽpo hoka ara.

Marcos 13:9

Tẽvã pingareko katu pindijehe. Shara ĩmepo'ẽ pyndypysykarã pyndyrahava mburuvishare hỹnonde hareka punũpa verã Judiore ñymbatyseaipi. Shyryhevaperã pyndyrahapo mburuvisha vasu hareka huvishare hỹnonde, shyreepe piñymbeushu verãre.

Mateo 7:15

Pingareko pindijeheshi Tũpa ĩñee mbeu rã'ãnga'iare. Avisha rãĩmi jyverupe peĩvape, tẽvã pyape avaravasu ñarõ vekua rãĩmi.

Mateo 24:25

Ãmbeu'ãiĩpe kova, ndei ikorã.

Marcos 13:22

Shara oupo Cristo rã'angarã'ia hareka Tũpa ĩñee mbeu'ia japureiivare, hetapo japo mbai heshaha verã hareka mbaikavi heshaha verã pyrỹmbytavy verã, Tũpa pyhỹrõva retavepo mbytavy.

Marcos 13:24

Hokava arape, jyhasa'asy hasamarã, kuarasy ovepo hareka jasy sapeveãmapo.