Marcos 10:34 - NandevaBiblia

³⁴ Ñymbyhorypohe retakui hareka myndyvypohe, nupa hareka jukapo reta. Tẽvã mbahapy arapepo pũãjykui manovare pãũvi.

Marcos 10:34 Referans Kwoze

Marcos 14:65

Hãma haipe a'ãmokue õñepyrõ myndyvyhe, hesa jokuashirã nũpa retarã hei: Mbeu mbavara nunupa! Hãma Syndarore nupajyre Jesús hovaipi.

Mateo 26:67

Hãrã myndyvy jyre hovare hareka nũpa, ĩrũ reta katy hovaipi nũpashu.

Mateo 16:21

Hokava araivive Jesús mbeushu mboireare hai oho verã Jerusalenpe, hareka haipe mbyhasa asypo kuakuavare, pai ruvishare, hareka Moisés mbypara vekua pyrỹmboi'iheare ipope. Jesús heishu reta: She ãmanopokui tẽvã mbahapy arapepo shyrykovejy.

1 Corintios 15:4

hai ñotỹha hareka kuerajy mbahapy arape, Mbyparaha vekuape heiva rãĩmi.

Juan 2:10

Hãrã heishu: Opava reta rãnga ñonokuei vino kapyryva karuvasu õñepyrõmarã, haivi hẽnohãkavare hetama hourã, ñonohãkuei vino porãnungambava. Tẽvã ndemba rỹnatu vino kapyryva ã'ẽpeve verã.

Juan 1:17

Shara Tũpa meẽ ñee mbyparahava Moisés rupii, tẽvã jyhaihukue hareka mbai añeteva vãhẽ Jesucristo rupii.

Lucas 23:11

Hãma Herodes hareka ñysyndarore jahe jyreherã, ñymbyhoryheape mymondeka reta pente mondeava kapyryva hareka vevera vekua. Haivi mondokajy Pilato ẽvãpe.

Marcos 14:63

Hãma paire juhuvisha henduma kovarã, mỹndoro mõndevarã hei: Mbai verãra ynga jaikotẽvẽpo jyhe mambeu ñande verã?

Mateo 27:63

Heishu reta: Yreja, ỹrỹmandua rãngahe tykove japu hei vekua ĩmeteri'ĩrã vekua, mbahapy arape kuerajy verã manovare pãũvi.

Marcos 9:31

shara mboi'ẽ mboireare. Heishu reta: Ko kuareta Tay ñonoãpokui kuaretare ipope, haire jukapokui, tẽvã mbahapy arapepo kuerajykui.