Lucas 9:48 - NandevaBiblia

⁴⁸ Jesús heishu reta: “Shyreepe myvãhẽva ko sanjaymi, she shymyvãhẽ. Hãrã she shymyvãhẽva, myvãhẽ jyve Sheru shymbou vekua. Hãma kuareta sanjaymi rãĩmi'ia pynymbytepe, hokava hai mbai vasuveva”.

Lucas 9:48 Referans Kwoze

Lucas 14:11

Hãma ha'ẽĩ vateve iñiñono'ia, mimishĩãpokui; hãrã oñemomishĩĩ'iapo, vateve ñonohakui.

1 Pedro 5:6

Peñemomishĩkatu Tũpa ñymbaikatuva ipope, jy'arape kavi vateve piniñono verã.

Lucas 22:26

Tẽvã pee ha'ẽã kyrãpi verã; hãrã vateve'õ pynymbytepe taykueva rãĩmi tiko, hãrã mbai miñaka'õ tiko pyrỹmbory'ia rãĩmi.

Juan 13:20

Ãñete hai pee, ãmondova myvãhẽ kaviva, shymyvãhẽjyve; hãrã shymyvãhẽva, myvãhẽjyve shymbou vekua.

Lucas 10:16

Hãma pynyrẽnduva, she shyrẽndu jyve; hãrã pinimbijicheva, shimbijiche jyve; hareka shimbijicheva, mbijiche jyve shymbou vekua.

Apocalipsis 3:21

Opa õhẽkaviva ñyrãrõivi ambyvapypokui shyvapyka mburuvisha vasu vapypya, she avapysepyape, she ãhẽkaviva rãĩmi ñyrãrõivi hareka avapyĩma hãndi Sheru vapyseape.

1 Tesalonicenses 4:8

Hãrã mbijicheva ko pyrỹmbo'eahea, mbava kuimba'epeã mbijiche, Tũpateiva rãnga, meẽpe vekua je Espiritu Santo.

Juan 14:21

Henduva hareka japova she haiva, hokava hai ãñete shyraihuva, shyraihuva Sheru haihupo jyveshu, hãrã she ahaihupo jyve, hãmã aheshakaposhu marãvara she.

Lucas 22:30

pykaru verã hareka pimbyu verã jyve shymesape avapyape. Haivi pyvapypo mburuvisha vasu vapypyape, pimbivachekashu verã 12 kavi'õ tenta Israelvare.

Lucas 7:28

She hai pee, mba'ety kuimbaire mbytepe mbai vasuveva Juan Bautistaivi; tẽvã mishiveva Tũpa ẽvãpe'õ ryheva, mbai vasuvepo shi hai.

Marcos 9:37

Ĩme'ẽ myvãhẽva shyreepe kova sanjay rãĩmivarã, she shymyvãhẽ. Shymyvãhẽva ha'ẽã shẽĩ shymyvãhẽva, shymbouvape rãnga myvãhẽ jyve.

Mateo 25:45

Mburuvisha heiposhu reta: “Ãñeteĩte haipe, hoka pijapo mbavekua pente mishĩveva rehe, pijapoã jyve shy rehe”.

Mateo 25:40

Hãma mburuvishavasu heiposhu reta: “Añetevape haipee, hokava pijapo vekua pente kova shyryvyre mishiveva rehe, Shyrehe opa pijapo jyve”.

Mateo 19:28

Jesús heishu reta: Ãñete hai pee, vãhẽma ara opa mbypy'ahuajy verã, hareka kuareta Tay, vapypo vapyhapya hĩmbipevape. Hãrã mĩ'ĩrũ vekua vapyĩpo jyvepy 12 ẽvãpe, mbaikavikue japo verã 12 ñymoñare Israelva retape.

Mateo 18:14

Kyrã jyve Peru vate arapy'õ potãã mbava kañy ko sanjay ndeiveva rãĩmi jyrojava.

Mateo 18:10

Avy pijahehe sanjay rãĩmi jyroja shyryheva. Haipe Tũpa jokuevare haire ĩme'ẽ Ñanderu hỹnonde hareka hesha reta hova.

Apocalipsis 21:14

Tenta mangorahapya ĩmere 12 jypyre hareka ĩãrẽ ẽẽ 12 tyreere 12 Avisha Ray jy'apostolre hee.