Lucas 9:11 - NandevaBiblia

¹¹ Hãrã kuaretare kuaamajy retarã, opa ohohipi reta, Jesús mỹvãheshu retarã mbeujyshu reta Tũpa ẽvãpe'õ ryheva, hareka mynguera ñymbairasyva.

Lucas 9:11 Referans Kwoze

Hebreos 4:16

Hãrã jyrojakue ryheve ñaĩmbojahe Tũpa ñandyraihuva vapy'õpe, ñandypareko verã, hareka ñavãhẽshu verã pyakavi ñaikotẽverã.

2 Timoteo 4:2

ñimiñeepy Tũpa ĩñee hareka ereshu tijapo reta, javendeape maĩrã javembandevape; ñono kavi, ñyngãta hareka mykyrẽy opaite ñyharõkuaa ryheve, hareka rymboivape.

Romano 15:3

Shara Cristo hekããmba typya ohoahe verã, koñeĩ hai japopeveĩ Mbyparahava heiva: “Opaite poshyndevare heindevare opa ou sheãrẽ”.

Romano 10:14

Marãirapo hẽno reta, jyrojambaheare? Marãirapo roja reta hendumbare kova? Marãirapo hendu reta mbamba mbeushuare?

Hechos 28:31

Mbaivamba jokoshuvape mbeu'i Tũpa ẽvãpe'õ hareka mboihe reta Ñandeja Jesucristo ryheva, mbavamba jochashuvape.

Juan 6:37

Opaite Sheru pyhỹrõ vekuare, oupokui she ãĩvape; hãrã ãĩvape ouva, ãmohẽãposhu reta.

Juan 4:34

Jesús heishu reta: Shĩmbiu hai ajaposhu shymbou vekua potava, hareka opa ajaposhu verã hai heiva.

Lucas 9:2

Hãrã mondoshu reta mbeu verãre Tũpa ẽvãpe'õ ryheva, hareka mynguera verã ñymbairasyvare.

Lucas 8:10

Jesús heishu reta: Pee rãnga Tũpa pynymbykuaaka mbai iko verã Tũpa ẽvãpe'õ ryheva; tẽvã yngava retape aijetashu ñee ñymyhã'ãnga rupii, hãrã mãĩte'ivare heshambava rãĩmi, hareka hendutẽvare kuãã reta.

Lucas 8:1

Haivi Jesús oho hãndi 12 mboireare heta tenta vãsu hareka tentamire õipi, ñimiñee hareka mbeu Tũpa ẽvãpe'õ ryheva.

Lucas 5:31

Jesús mbyhovaishu reta: Mambaimba'ia ikoteveãhe pyrỹpyhãno'iare, koñeĩ ñymbairasy'ivãi.

Lucas 1:53

Hãrã ñymbahyvape meẽ mbaikaviva, hãrã iko katuvare iporãĩ mondojy.

Mateo 21:43

Hãmẽãra hai pee, Tũpa huvisharã'õpe hekypo pyhevi hãrã yngavapepo meẽ, kuaretare mynõõva Tũpa huvisharã'õpe'õ ryheva.

Mateo 21:31

Mbavara mokue'iare japoshu tuu heiva? Hãrã haire heishu: Tay tynondeiteva. Jesús heishu reta: Ãñete hai pee, kyrypoti mbatyse'iare Roma pevarã hareka taupe heko porãmbare tynondepo iche pyhevikui Tũpa huvisharã'õpe.

Mateo 14:14

Jesús vejy kanoaivirã hesha hetava kuimbai retarã parekoshu reta, hãrã mynguera ñymbairasyva haire verushuare.

Romano 10:17

Shara jyrojakue hai ñee hẽnduava rupii ouva, hareka hokava mbe'uava ou Cristo ĩñeevi.

Mateo 12:15

Jesús kuama pota juka jyreshurã õhẽ haivi, hareka heta ohova haykue. Hãrã Jesús opaĩ mynguera hasyvare,

Lucas 9:10

Apostolre opajymã ourã, mbeushu reta Jesús, opa mbai haire japova. Haivi Jesús rahashu reta hã'ẽi'õpe, õĩãmbaipi tenta Betsaida he'iashuape.

Lucas 9:12

Tẽvã ka'aruma'irã, ñymboja Jesús ẽvape 12 mboirea retarã heishu: Mondojymĩtẽ ko kuaretare tohojy tuputuu hareka tyheka reta hou verãre tenta hareka ñũũ mbyrymba'õĩpi, shara koipi mba'ety mãĩnũnga.