44 Ko Taupe ñymbojahe Jesús haykueivirã pokohe mondeva hymbeyre, haipe vãi ñandu pytashi tuvykue.
tarapo hareka mondeava Pablo hetere oja vekua rahaha ñonohahe ñymbairasy vekuare, hãrã haire opa kuerahe ñymbairasykue, hareka mbaiposhyre opa õheshi reta.
Tẽvã kuimbai kuãã mbavara mynguera, shara kuareta hetava haipe'õ mbyteivi Jesús õhẽjy oho.
Hãrã ipo ñono ĩãrẽ. Haivi taupe ñysymyĩjyrã, õñepyrõ õmombaivasushu Tũpa.
Jaheo ryheve vãhẽ Jesús ẽvãpe, hãrã saypeĩ ipy joheshu. Haivi ñakahaapy mitĩnishu, pyterã hareka ñonohẽ ipyre mbai pisheka kaviva.
Mamaĩpi Jesús ohovape, tentamire, ñuuhupi hareka tenta vasupe, kuaretare raha ñonoshu pehupi ñymbairasy vekuare, jurureshu reta ñymbairasy vekuare ma'ẽĩhe pokohe verã mondeva hymbeyre; hãrã opaite pokohe vekuare, opa kuerahe mbairasykue.
Haipe Jesús parekoiterã pokoheshu hesare, hãrã haipevãĩ heshamba kũvãĩpiare, heshajy hareka jyrahahipi reta.
Haipe Jesús pokoherã, heishu: Aipota rãnga, ajohepo ndyhevi! Kyrã heirã, kuimbai opa kuruva kuerahe ñymbairasykue.
Kyrã, kuaretare opaite nohẽ reta ñymbairasyva hupare ryheve hareka miñenohasepya Pedro hasamarã, ñykuarãsy'ãĩ vejy ĩãrẽ verã a'ãmore.
Hãrã kuaretare mbytepe'ẽ pente taupe hasyva tuvyvasuivi, hareka japoma 12 ãño, ñymboja Jesús haykueivi mondeva pokohe verã.
Haire mbytepe ẽ pente taupe japomava 12 ãño hasyva tuvy vasuivi, opama meẽva ĩmerea pajeva retape, tẽvã mbaveã katu mynguerashu.
Haipe Jesús pyrãndu: Mbavara poko shy rehe? Opaiteva ñomi reta pokohaheva, Pedro hareka ñi'irure hei: Pyrỹmboi'ia, ko kuareta hetava rãnga opa ndasoi hareka opaivi nymaña ñynõi reta, hãrãra rỹpyrãndujy: “Mbavara poko shyrehe?”