Lucas 8:3 - NandevaBiblia

³ Oho jyve Juana, Chuza hyreko, Herodes jy kyrypoti ñyngareko ihea; hareka Susana, hãndi heta yngare mboryva imẽreare ryheve.

Lucas 8:3 Referans Kwoze

1 Timoteo 5:10

Tijykuaashi mbaikavi japova; jaishu mbykuakua kavi membyre, myvãhẽ kavi hentape mbuhupa, maĩkavirahe Jesús ryhevare mbai mba'etyreare, hareka mboryra iko'asyvare. Kyrã opaite mbaikavi japo vekuare.

Filipenses 4:22

Opaite heko kyambare, tynondeite'ẽ Romape huvisharã'õ hoo vasupe'iare, pynymymarãnduka jyve.

2 Corintios 8:9

Pee rãnga pikuaama Ñandeja Jesucristo, marãra pya kavi, pyndyraihuiterã hai ikokatutẽva paveteva rãĩmi ou iko'i, hai pavetekuepe pikokatu verã.

Mateo 26:11

Pavetevare ĩmeñoĩpo pynymbyteipi, tẽvã she ha'ẽã ãĩmeñoĩ verã pyndyvache.

Mateo 25:40

Hãma mburuvishavasu heiposhu reta: “Añetevape haipee, hokava pijapo vekua pente kova shyryvyre mishiveva rehe, Shyrehe opa pijapo jyve”.

Mateo 2:11

Iche reta oo iperã, hesha sanjay hareka ishy María hãndi. Haipe ĩñesu retarã, õmombaishu sanjay, haivi mbai hyru pea retarã, meẽshu ita vera ijuva, mbai pishekatuva hareka mirra.

Lucas 24:10

Kova apostol mbeu vekua mboire vekua retape hai Maria Magdalena, Juana, Maria Jacobo ishy hareka taupere oho hãndivare.

Hechos 13:1

Tũpao Antioquiape'õ ĩme'ẽ Tũpa ĩñee mbeu'ia hareka pyrỹmboi'iare. Haire hai Bernabé, Simón, mbyheeava jyve “Hũva” Lucio Sireneva, Manaen mburuvisha Herodes mbykuakuaheva hareka Saulo,

Mateo 14:1

Hokava arape Herode, mburuvisharã ẽẽshu 4 tenta'õre, kuaretare heiva hendu jyve mbaivara Jesús japo.

Mateo 14:3

Herode rãnga pysykashu Juan hãrã mbyperesoka shara Herode omendahe Herodia, tyvy Felipe hyrekorãrerã.

Mateo 14:6

Herode ñy'ãño mbotyrã mby'aretemba, hãrã Herodia memby kuña vãhe jyroky verã Herode hareka opaite haipe'õre hỹnonde. Hãma Herode pya ohoitehe ko kuñatãĩ jyrokyva rãĩmi,

Mateo 20:8

Pyntumarã, koo ija heishu ju'uva rẽnda ñyngareko'ẽheã: “Hẽno mba'apo'iare meẽshu reta japova hepykue. Tynõnde mbyhepyshu reta taykueite ichevare, tynondeite icheva retapo taykueite rymbyhepyshukui”.

Mateo 27:55

Haipe heta'ẽ jyve taupere mbyryivi maĩ'iare, Jesús mi'ĩrũreare Galileaivive hareka mbory verã.

Juan 12:6

Tẽvã Judas ha'ẽã manduahe pavete'ia retarã, shara manarõserãmeĩ. Hai kyrypoti mbatyhava hyru ñyngareko'ihea, hareka ñomi'i mombohapyvarã.