Lucas 8:10 - NandevaBiblia

¹⁰ Jesús heishu reta: Pee rãnga Tũpa pynymbykuaaka mbai iko verã Tũpa ẽvãpe'õ ryheva; tẽvã yngava retape aijetashu ñee ñymyhã'ãnga rupii, hãrã mãĩte'ivare heshambava rãĩmi, hareka hendutẽvare kuãã reta.

Lucas 8:10 Referans Kwoze

Marcos 4:11

Jesús heishu reta: Pee rãnga ñemiãpe'õ Tũpa ẽvãpe'õ ryheva pynymbykuahaka, tẽvã yngavare mbe'uashu reta ñee ñymyhã'ãnga rupii;

Mateo 11:25

Hokava ara vãhẽrã Jesús hei: “Apyrahende Sheru. Nde hai yvy hareka vate arapy'õ Ija, rĩñomishi ñy'ãrãnduvare hareka mbai kuavare, hãrã rymbykuakashu sanjaymi retape.

Colosenses 2:2

Hãrã aipota haire pyape ñymykyrẽy, penteapeĩ tõĩ reta jyhaihupe, heta hipity verã opaite mbai kavivare ouva mbaikuaakue rupii, kuaa verãre Tũpa ñemĩãpereva haire kuaambava, haiva Cristoteiva;

Romano 16:25

Japyraheshu Ñandeja, hareka katu mypyrãtava shi Ñee Kavi hareka Jesucristo mbe'uhava kuaahambava heshahakava rãĩmi arykai ñomihareva,

Mateo 16:17

Jesús heishu: Ryvy'apo nde Simón, Juan tay, shara mba'ety kuaaka ndeva so'o hareka tuvy, koñeĩ Sheru vate arapy'õ kuaaka nde.

1 Timoteo 3:16

Mbe'uha kova añeteva heshahaka ñandeva ko tykove mbijicheavaivi Tũpa pevarã, hai pente mbai ojaimbava: Jesucristo ijeshaka kuareta rãĩmi. Espiritu rupii kuaahava. Tũpa jokuevare hesha hareka mbe'uha opaite tenta retaipi. Opaite yvy jerekueipi'õre roja reta hareka hupihajymba vate ara hĩmbipeape.

1 Corintios 12:11

Opaite kova Espiritu Santo koñeĩ'õ japo, meẽshu pepenteĩ kuaretare hai potava rãĩmi.

Juan 12:40

Tũpa opa mỹhãvẽshi hesare hareka pya mytãtashi reta. Potãã hesha retarã hareka kuaa reta pyaperã, jyroja shyreherã oujy shykotyrã, hareka amynguera verãre.

Marcos 4:12

maĩtẽ jyreare tẽvã heshãã, hendutẽvare kuãã, potãã Tũpa kyty oujy retarã hai hejareiishi verã mbai porãmba japo vekuare.