Lucas 8:1 - NandevaBiblia

¹ Haivi Jesús oho hãndi 12 mboireare heta tenta vãsu hareka tentamire õipi, ñimiñee hareka mbeu Tũpa ẽvãpe'õ ryheva.

Lucas 8:1 Referans Kwoze

Mateo 4:23

Jesús opa vatahupi Galileape, Judiore ñymbatyseape pyrỹmboihe Ñee kaviva mbeu Mburuvisha vasurã vate araivi ouva ryheva, kuareta ñymbairasy vekuare opa mynguera.

Romano 10:15

Marãirapo oho mbeu reta, mondohambare? Kuatia Mbyparahava rãnga hei: “Haikavi jahesha vãhẽ ou, ñee kavi veruvarã”.

Hechos 13:32

Kyrã ore mbe'uha jyve pee Ñee kaviva Tũpa ĩñee meẽ vekua ñanytynõndeva retape.

Hechos 10:38

Tũpa ñonohẽ Jesús Nazareno Espiritu Santo hareka ñymbaikatukuepy, heta Ãña ichepy vekuare opa kuera, shara Tũpa ẽẽ hãndirã.

Lucas 4:18

Ñandeja je Espiritu ẽẽ shearẽ, hai shymbyheko kavi ãmbeuverã Ñee Kaviva pavete'ia retape. Shymbou amynguera verã ojepy'apy'iare; amohẽjy verã mbypereso vekuare, hareka heshajy verã kũvaĩpi heshambare; apoikajyshi verã jopya porãmba'õre;

Marcos 1:39

Kyrã Jesús vata'i opaite Galileaipi, ñimiñee'i Judiore ñymbatyseape hareka mohẽ mbaiposhyre.

Mateo 13:19

Ĩme'ẽ henduva Mburuvisha vasurã vate araivi ouva ryheva kuãã mbaivara he'ise, ova timity oa vekua pehupi; haivi ou Aña, hekyshi timity pyape õre.

Mateo 11:1

Jesús opama 12 mboireare mbeu kavishurã, õhẽ haivi pyrỹmboi, hareka ñimiñee verã tenta retaipi.

Mateo 9:35

Jesús vata opaite tentamire'õĩpi, hareka tenta vasu retaipi pyrỹmboihe Ñee kaviva Judiore ñymbatyseape mbeu Mburuvisha vasurã vate araivi ouva ryheva, hareka mynguera ñymbairasyvare.

Lucas 1:80

Hãma sanjay pukumã oho'i, ñymypỹrãtajyvỹĩ ijespiritupe; hãrã iko'i yvy ikoambaipi vãhẽpeve ara ijeshakashu verã Israelvare.

Lucas 9:6

Haivi õhẽ retarã jyraha tentamirehupi, mbeu Ñee haikaviva hareka opa rupi pyrỹmynguera reta.

Lucas 20:1

Pente arape, Jesús mboi'ẽshu kuaretare tũpao pe hareka mbeu Ñee kaviva ryheva pyrỹmondo jepeva, vãhẽ jyveru pai ruvishare hareka Moisés mbypara vekua pyrỹmboi'iheare, hãndi karai kuakuavare.