Lucas 7:41 - NandevaBiblia

⁴¹ Jesús heijy: Mõkue kuimbai meẽjytẽshu verã kyrypoti porykashua. Penteva oreveshu 500 nikere repy, ĩrũ 50 ara repy.

Lucas 7:41 Referans Kwoze

Lucas 7:47

Hãme rãnga hai nde, heta mbai porãmba japo vekua hejareiimashi, shara pyryhaihuite; tẽvã kuareta mishĩĩ hejareiiva, mishĩĩ heshaka jyhaihu.

Romano 5:20

Moisés mbypara vekua japoa verã me'ẽãmba opaiteva kuaretare kuaa mondo'ijehe verãre mbai porãmba ĩmereare, tẽvã kuaretare japoiteve raha porãmbarã, haipe Tũpa jyhaihukue ñymbyhetavee.

Mateo 18:28

Hãma õhẽjy oho hoka jokuehareirea hỹvãitijy ñi'irũ oreveshua 100 nikere, kũavãshu jaseoipirã hãrã puntue mbijapyshirã heishu: “Mẽ'ẽjyshe rereveshea”.

Mateo 6:12

Hejareii yryhevi mbai porãmba vekua, ore hejareiishia rãĩmi japo porãmba'i yryreheare.

Romano 3:23

Shara opaiteva mbai porãmbava japo, hãme rãnga katuã japity Tũpa hĩmbipekue,

Lucas 11:4

Hejareii yryhevi mbai porãmba japoa vekua, shara ore hejareii jyveshi mbai porãmba japo yryrehevare. Avy ma'ẽĩhe to'aha yrypya ãhã verãpe, yryrekyshi mbai porãmbava”.

Lucas 13:4

Pimoãra 18 mano vekua Siloeivi mimbo'yhava jopy vekuare, heko porã'ãĩteveva yngare Jerusalénpe'ia retaivi?

Lucas 12:48

Jokueareva kuambavape mbai porãmba japova nupãha verã, saivepo nupãhã. Hãma hetave me'ẽãshuva, hetavepo jurureajyshu: Hareka hetave jyrojahahea, hetavepo jurureashu.

Marcos 6:37

Tẽvã Jesús heishu reta: Pymeẽshu hou verã reta. Haire heishu: Ohoarapo ovaha pãhã 200 nikere repy, opa myngarua verãre?

Lucas 7:40

Haipe Jesús heishu fariseo: Simón, ĩme are pente mbai hai nde verã. Fariseo hei: Mbeushe, pyrỹmboi'ia.