Lucas 7:34 - NandevaBiblia

³⁴ Haivi aijyve, kuareta Tay karu hareka hauva vino, hãrã pereshu: Karuiteva hareka ka'uiteva, ñimi'ĩrũ'ihea heko porãmba hareka kyrypoti mbatyse'iare Roma pevarã hãndi.

Lucas 7:34 Referans Kwoze

Lucas 15:2

Hãrã fariseo hareka Moisés mbypara vekua pyrỹmboi'iheare õñepyrõ ijeta porãã jyrehe hãrã hei reta: Ko kuimbai myvãhẽ heko porãmba'iare hareka karu hãndi.

Juan 12:2

Haipe pynturã japo reta karuvasu Jesús heepe. Marta mbory ñono'ẽ mesape hou verãre; haipe Lazaro vapy'ẽ jyve Jesús karu hãndi verã.

Lucas 19:7

Hokava heshama retarã opaiteva ijeta porãã jyrehe, hei reta kuareta heko porãmbava hentape oho pytava.

Lucas 14:1

Pente putu'uava jy'arape, Jesús oho pente fariseore juhuvisha hentape karu verã, hãrã opaite haipe õĩvare ma'ẽĩ ñynoĩhe.

Lucas 7:36

Pente fariseo jurureshu Jesús oho karu verã hentape, hãrã oho vapy ẽ mesape karu verã.

Lucas 5:29

Haivi Leví japo karuvasu hentape Jesús pevãrã, heta'ẽjyve kyrypoti mbatyse'iare Roma pevarã, hareka ynga kuaretare vapy ñynoĩ hãndi mesape.

Mateo 9:11

Fariseore hokava hesharã pyrãndushu Jesús mboireare: Marã'ĩrãra pynymboi'ia vapy karu hãndi kyrypoti mbatyse'iare Roma pevarã, hareka mbai porãmba japo'iare?

Juan 2:2

Jesús hareka mboireare hãndi mbe'uha jyveshu oho verãre.

Lucas 11:37

Jesús poima ijetarã, pente fariseo jurureshu oho karu hãndi verã hentape. Hãrã Jesús oho, vapy mesape.

Mateo 5:46

Pee pyhaihupi pyndyraihu'ia retairãra, mbaivapepo mbyhekoviajype? Kyrypoti mbatyse'iare Roma pevarã retave rãnga kyrã japo.

Mateo 11:19

Hãrã, kuareta Tay pereshu: “Karu hareka houva vino, karuiteva hareka kauva, opaite mbai porãmba japo'iare hãndi, kyrypoti mbatyse'iare Roma pevarã mi'ĩrũva”. Tẽvã ãrãndu Tũpaivi ouva, mbai jajapova rupiipo ijyheshakui.

Lucas 7:33

Ou Juan Bautista, houmba pãhã hareka vino; tẽvã pee pereshu mbaiposhy ĩmerea.

Lucas 7:35

Tẽvã Tũpa mbai kuaakue ijyheshahe mbai japo kavi vekua rupii.