Lucas 6:12 - NandevaBiblia

¹² Hoka arape Jesús oho yvyturusu iãrẽ jurure verã, hãrã haipe pỹntu pukukue jurure Tũpape.

Lucas 6:12 Referans Kwoze

Hebreos 5:7

Cristo ko yvy'ĩãrẽ kuareta rãĩmi ikorã, hỹnatu, hareka jaheo ryheve jurure'asyshu Tũpa, rekova mbaikatu mondojepeshi verã ñymano; hãme ñee hendurã Tũpa hendushu.

Marcos 6:46

Opajyma mondorã, Jesús ohojupi yvyturusure ñymboishu verã Tũpa.

Marcos 1:35

Kõ'eĩ pỹntuteri vekua Jesús õhẽ tentaivirã, oho yvy ikoambaipi haipe ñymboi verã.

Colosenses 4:2

Pirure katu, pimoã ryheve hareka pymeẽ pyndy'ajetekue Tũpape.

Mateo 6:6

Nde rirure potarã, iche ndero'ipe, mboty nyrõche, hãma jurureshu Nderu neĩĩ rẽĩvape. Kyrã Nderu hesha ko neĩĩ rijapovarã, hetavare hỹnondepo opa mbyhekoviajyndekui.

Mateo 5:1

Jesús hesha heta kuareta jatyvarã, jupi yvyturusure haipe vapy. Mboireare opa ou hyvache.

Marcos 3:13

Jesús jupi yvyturusurerã, haipe hẽno pota hẽnovare, hãrã haire ou hai ẽvãpe,

Lucas 5:16

Tẽvã Jesús ohoshi reta mbamba'ẽẽvaipi, haipima ñymboi.

Lucas 6:11

Hãmã haipe poshyiteve jyre, hãrã pyrãndu jyre ijupe mbaivara katu japohe Jesús.

Lucas 6:17

Jesús vejyjy hãndi yvyturusuivi 12 mboireare, hãrã ñymbaty reta ñuu ñanamba'õpe, mboireare hareka kuaretare oho hãndiva, Judea, Jerusalén, Tiro hareka Sidon hỹmbeyvi, jyveru jasakahe verã Jesús ĩñee, hareka myngueraha verã mbairasyivi.

Lucas 9:18

Pente arape Jesús hã'ẽĩ õpe jurure, mboireare haipe'ñynõi jyve hãndi, hãrã pyrãndushu reta: Mbaivara kuaretare hei shyrehe, mbavara she?

Lucas 9:28

Hasama 8 ara kyrã heivarã, Jesús jupi yvyturusure jurure verã, mĩ'ĩrũshu Pedro, Jacobo hareka Juan.

Lucas 9:29

Haipe jururerã mondii hova opa yngai'ẽ, mondeva tĩĩrai hareka hĩmbipekue sãnka.

Juan 6:3

Haivi Jesús jupi yvyturusure, haipe vapy mboireare hãndi.