Biblia Todo Logo
Bib sou entènèt

- Piblisite -




Lucas 5:30 - NandevaBiblia

30 Tẽvã Moisés mbypara vekua pyrỹmboi'iheare hareka fariseore ĩñee mombo jyrehe Jesús mboireare hãrã heishu reta: Mãrã'irãra pykaru hareka piñymbyu hãndi kyrypoti mbatyse'iare Roma pevarã, hareka mbai porãmba japo'iare hãndi?

Gade chapit la Kopi




Lucas 5:30
16 Referans Kwoze  

Opa sapuke reta, haipe ĩme'ẽ jyve Moisés mbypara vekua pyrỹmboi'iheare fariseova, pũã retarã hei: Ko kuimbai rãnga japoã porãmba. Ĩmerã Tũpa jokueva hareka espiritu ijetashu.


Hokava heshama retarã opaiteva ijeta porãã jyrehe, hei reta kuareta heko porãmbava hentape oho pytava.


Hãrã Moisés mbypara vekua pyrỹmboi'iheare hareka fariseore pyapei hei jyre: “Mbavarajy ko Tũpare ijeta porãmba'ia? Mbavara katu hejareii mbai porãmba vekua? Koñẽĩi ranga'ẽ Tũpa”.


Pente arajyape Jesús pyrỹmboi evãpe, vapy ñynõi haipe fariseore hareka Moisés mbypara vekua pyrỹmboi'iheare ouva opaite tenta Galilea, Judea hareka Jerusalénvi. Hãrã Ñandeja ñymbaikatu ẽẽ hãndi pyrỹnguera verã.


Shara fariseore hareka yngaa Judiore, tynondevare ikova rãĩmi ĩmeĩ japo, karuã reta jypoi kaviãrã.


Fariseo ñymboy'õpe kyrã jurure: Tũpa, ameẽnde shy'ajetekue shara ha'ẽãshe yngavare kuaretare rãĩmi aikova: Manarõ'iva, heko porãmba, ynga pota ijya, hareka ha'ẽãshe ko kyrypoti mbatyse'iare Roma pevarã rãĩmiva.


Fariseo jurureshu vekua Jesús oho karu verã heshama hokavarã hei pyape: “Ko kuimbai ãñete hai Tũpa ĩñee mbeu'iarã, kuaatẽ verã mãrãva tauperã poko'ẽhe, taupe heko porãmba rãnga hai”.


Haivi aijyve, kuareta Tay karu hareka hauva vino, hãrã pereshu: Karuiteva hareka ka'uiteva, ñimi'ĩrũ'ihea heko porãmba hareka kyrypoti mbatyse'iare Roma pevarã hãndi.


Pee pyhaihupi pyndyraihu'ia retairãra, mbaivapepo mbyhekoviajype? Kyrypoti mbatyse'iare Roma pevarã retave rãnga kyrã japo.


Fariseore hokava hesharã pyrãndushu Jesús mboireare: Marã'ĩrãra pynymboi'ia vapy karu hãndi kyrypoti mbatyse'iare Roma pevarã, hareka mbai porãmba japo'iare?


Hãma Moisés mbypara vekua pyrỹmboi'iheare hareka fariseore, hesha Jesús karu ñynoĩ hãndi mbai porãmba japo'iare kyrypoti okorase'iare Roma pevarã pyrãndu jyreshu Jesús mboireare: Marã'ĩrãra pynymboi'ia karu hãndi heko porãmba'iare hareka tenta jurureva okorase'iare?


Jesús pyrãndushu reta: Mbaiva rehera pijaopẽĩ hãndi reta?


Swiv nou:

Piblisite


Piblisite