Lucas 5:29 - NandevaBiblia

²⁹ Haivi Leví japo karuvasu hentape Jesús pevãrã, heta'ẽjyve kyrypoti mbatyse'iare Roma pevarã, hareka ynga kuaretare vapy ñynoĩ hãndi mesape.

Lucas 5:29 Referans Kwoze

Lucas 15:1

Ñymbojahe reta Jesús opaiteva kyrypoti mbatyse'iare Roma pevarã hareka heko porãmba'iare hendushu verãre.

1 Corintios 10:27

Jesús jyrojambaterihea mbeupe pykaru hãndi verãrã, hareka pota pehorã, pekua, hareka opava mba'e ñonohandeare he'u, mbaimba perevape, ẽẽva pyndypyape.

Juan 12:2

Haipe pynturã japo reta karuvasu Jesús heepe. Marta mbory ñono'ẽ mesape hou verãre; haipe Lazaro vapy'ẽ jyve Jesús karu hãndi verã.

Marcos 2:15

Hãma jehumba, Jesús vapyma'ẽ mesape Leví hentaperã, kyrypoti mbatyse'iare Roma pevarã, mbai porãmba japo'ia retaave ou vapy hãndi, hareka mboirea reta jyve; shara heta'ẽ ouva haykue.

Mateo 9:10

Mateo hentape Jesús hareka mboireare karu ñynoĩ verãpe, haipe jyveru jyve, kyrypoti mbatyse'iare Roma pevarã, hareka heta mbai porãmba japo'iare.

Mateo 5:46

Pee pyhaihupi pyndyraihu'ia retairãra, mbaivapepo mbyhekoviajype? Kyrypoti mbatyse'iare Roma pevarã retave rãnga kyrã japo.

Mateo 9:9

Jesús oho haivirã hesha pente kuimbai Mateo he'iashua, kyrypoti mbatyhasea Roma pevãrã hyvache vapy'õ. Hãrã heishu: “Ei, shimi'ĩrũ”. Mateo pũã hareka oho hãndi.

Mateo 11:19

Hãrã, kuareta Tay pereshu: “Karu hareka houva vino, karuiteva hareka kauva, opaite mbai porãmba japo'iare hãndi, kyrypoti mbatyse'iare Roma pevarã mi'ĩrũva”. Tẽvã ãrãndu Tũpaivi ouva, mbai jajapova rupiipo ijyheshakui.