Lucas 5:17 - NandevaBiblia

¹⁷ Pente arajyape Jesús pyrỹmboi evãpe, vapy ñynõi haipe fariseore hareka Moisés mbypara vekua pyrỹmboi'iheare ouva opaite tenta Galilea, Judea hareka Jerusalénvi. Hãrã Ñandeja ñymbaikatu ẽẽ hãndi pyrỹnguera verã.

Lucas 5:17 Referans Kwoze

Lucas 6:19

Hãmã opava kuaretare õñehã reta pota poko jyrehe Jesús, shara imẽre mbaikatu mynguera verã opaite ñymbairasyva.

Lucas 8:46

Jesús hei jyvyi: Ĩme'ẽ poko shy reheva, aikua ãi imẽ amynguerava shy mbaikatupyrã.

Hechos 19:11

Tũpa hetamba japo mbai heshaha verã Pablo rupii,

Mateo 11:5

Pymbeushu, heshamba kũvãipia heshajy, vatamba vatajy, kuruva porãmba'ia kuerajy, japysambava hendujy, mano vekua kuerajy, hareka Ñee kaviva mbe'ua kavishu pavetevare.

Hechos 4:30

hareka heshaka'ore nymbaikatu myngueraha verã ñymbairasyva, tiko mbai heshaha verã hareka mbai kavi heshaha verã nimbijokue Jesús heko kyamba.

Marcos 7:1

Haipe ñymboja Jesús ẽvãpe fariseore hareka Moisés mbypara vekua pyrỹmboi'iheare, Jerusalenvi ouva.

Marcos 5:30

Jesús ñandu jyve õhẽshia mbaikatukue; jerepy hetavare mbyteperã pyrãndu: Mbavara pokohe amondeva?

Mateo 15:1

Haivi ñymboja Jesús ẽvãpe fariseo hareka Moisés mbypara vekua pyrỹmboi'iheare, ouva Jerusalenvi, haire pỹrandushu:

Juan 3:21

Tẽvã mbai añeteva japo'iare ñymboja kõĩvape, opaiteva hesha verã Tũpa heishua japorã.

Lucas 2:46

Haivi mbahapy aravape vãijyshu reta Jesús, tũpao pe vapy'ẽ Moisés mbypara vekua pyrỹmboi'iheare mbytepe, Jesús jasaka ñynoĩhe reta hareka pyrãndu ñynoĩshu.

Lucas 15:2

Hãrã fariseo hareka Moisés mbypara vekua pyrỹmboi'iheare õñepyrõ ijeta porãã jyrehe hãrã hei reta: Ko kuimbai myvãhẽ heko porãmba'iare hareka karu hãndi.

Lucas 7:30

Fariseore hareka Moisés mbypara vekua pyrỹmboi'iheare, ñymyngaraikamba shuare Juan, mbijicheĩmã ijuhuvi haire pevarã Tũpa potãtẽ japoheare.

Lucas 5:30

Tẽvã Moisés mbypara vekua pyrỹmboi'iheare hareka fariseore ĩñee mombo jyrehe Jesús mboireare hãrã heishu reta: Mãrã'irãra pykaru hareka piñymbyu hãndi kyrypoti mbatyse'iare Roma pevarã, hareka mbai porãmba japo'iare hãndi?

Lucas 5:21

Hãrã Moisés mbypara vekua pyrỹmboi'iheare hareka fariseore pyapei hei jyre: “Mbavarajy ko Tũpare ijeta porãmba'ia? Mbavara katu hejareii mbai porãmba vekua? Koñẽĩi ranga'ẽ Tũpa”.

Marcos 16:18

pysypo reta mboi hareka houpo mbai purukava, tẽvã mba'ẽãpo japohe reta, ipo ñono ĩãrã ñymbairasyvarã, kuerapo.

Marcos 3:22

Tẽvã Moisés mbypara vekua pyrỹmboi'iheare, ouva Jerusalenvi, hei reta: “Kova kuimbai rãnga ĩmere Beelzebu, Ãña juhuvisha, hãmẽ rãnga Beelzebu ñymbai katukue rupii mohẽ'i mbaiposhykue”.

Marcos 1:45

Tẽvã ko kuimbai ohojymarã, mbeu raha mbaivara ikohe; hãrã hai rehe Jesús katuvẽã iche ijeshakajy tenta retaipi, koñeĩ yvy ikoambaipi iko. Haipe opaivi ohovare oho hai ẽvãpe.

Juan 3:10

Jesús heishu: Nde rãnga hai pyrỹmboi'ia kuaakatuva Israelpe, hãmera marãĩpo kova mbai rikua'ã?

Hechos 5:34

Tẽvã opaite mburuvishare mbytepe ẽẽ pente fariseo Gamaliel he'iashuva Moisés mbypara vekua pyrỹmboi ihea hareka opava haihuva hoka tentape, hãrã sapy'ãĩ nohẽka katoape Apostol retape.