Lucas 4:35 - NandevaBiblia

³⁵ Jesús poshy ryheve heishu mbaiposhy: Jasaka, ẽhẽshi ko kuimbai! Haivi mbaiposhy mombo yvype kuimbai, hetavare mbytepe, hãrã õheshi mbaimba japoheape.

Lucas 4:35 Referans Kwoze

Lucas 4:41

Heta ñymbairasy vekuaivi õhe jyve mbaiposhy sapuke jyrerã hei reta: Nde hai Tũpa Tay. Tẽvã Jesús poshy ryheve ijetashu reta hareka mã'eĩahe ijeta reta, shara haire kuaa Cristorã.

Lucas 4:39

Jesús jyroa'ĩãrẽrã poshy ryheve heishu takukue, hãrã hakukue opashi. Haivi hai puãravi hareka ñyngarekohe reta.

Mateo 8:26

Jesús heishu reta: Marã'ĩrãra pykyje, kuaretare sa'i jyrojavare? Haipe Jesús puãrã hareka poshy ryheve heishu yvytukue hareka yykue, hãrã opa pyta kavijy.

Apocalipsis 12:12

Hãme rãnga pyvy'aĩpo ara vate'õva hareka pikopyva! Tengapo yvy'ĩãre'iare hareka yy vasupy iare! Shara poshyite ryheve Ãña vejymape, kuama jy'ara pukuveama potarã.

Lucas 11:22

Tẽvã ou ynga kuimbai pyrãtãveshivarã, hekyshi ñymboka jyroja'ihea, haivi hekyshi vekuare mẽmẽshu ñi'ĩrũre.

Lucas 9:42

Hãrã kunumi ray ou'ia ryheveĩ, mbaiposhy mombojy yvype hãrã hỹnatu opa mbyryry. Tẽvã Jesús poshy ryheve heishu mbaiposhy, mynguera kunumi ray, haivi meẽjyshu tuu.

Lucas 9:39

pente mbaiposhy ichepy, hareka sapy'ãĩ mbysapukerã, hỹnatu mbyryry hareka juru mbytyryju japo. Hetama jyvavareherãmẽĩ poijyshi

Lucas 8:24

Haivi momba reta Jesús perã heishu: Pyrỹmboi'ia! Pyrỹmboi'ia! Ñañapỹvyima rãngapo! Jesús puã hareka poshy ryheve heishu yvytu vasu hareka yy porãmba ouva. Haipe poo'ẽrã ara kavijy.

Marcos 9:26

Haipe mbaiposhy sapuke, hỹnatu opa mbyryry kunumirã õhẽshi; juka ñonorã manova rãĩmi'ẽ, hãrã heta'ẽ heiva manomava.

Marcos 1:26

Hãma mbaiposhy hỹnatu mbyvava kuimbai, hareka hỹnatu sapukerã õhẽshi.

Mateo 17:18

Haipe Jesús poshy ryheve heishu mbaiposhyperã, õhẽshi kunumiray, hãrã haiperaveĩ kuera.

Marcos 4:39

Jesús pũã hareka poshy ryheve heishu yvytu hareka yyvasu: Jasaka! Chirĩrĩ'ẽ! Haipevaĩ yvytu pyta, hãrã opaitea haikavijy'ẽ.

Lucas 4:23

Jesús heishu reta: Ĩmerã pereposhe pente ñee ñymyhã'ãnga heiva: “Pyrypyhano'ia, ndeii ñymynguera”; “Heta mbai henduha rijapo vekua Capernaumpe, japo jyve ko ndy'yvype”.