Lucas 4:16 - NandevaBiblia

¹⁶ Jesús oho Nazaretpe, mbykuakuaa vekuape, hareka putu'uava jy'arape iche Judiore ñymbatyseape hai jypykuava rãĩmi, hãrã ñymboyrã mbijeta mbypara vekua.

Lucas 4:16 Referans Kwoze

Hechos 17:2

Pablo jypykuarã oho jyve Judiore ñymbatyseape, hãrã mbahapy putu'uava jy'arape, ijeta pohyheshu reta, kuatia mbyparahava poryvape.

Mateo 2:23

Vãhẽ jyraha haiperã, oho iko jyre tentami Nazaret he'iashuvape. Kyrã jehu iko verã hekope kavi Tũpa ĩñee mbeu'ia hei vekua: “Jesús mbyheeapo Nazareno”.

Lucas 2:51

Haivi Jesús oujy hãndi reta Nazaret kyty, iko'iape japoshu reta hai heishuare. Tẽvã ishy pyape opa nãtu kova ñee.

Lucas 2:42

Hãrã Jesús 12 ãñomã mbotyrã, opa jyraha reta Jerusalénpe jypykuaava rãĩmi hoka aretepe.

Juan 18:20

Jesús heishu: She rãnga aijetañoĩ kuaretare hỹnonde; Judiore ñymbatyseape hareka tũpaoipi apyrỹmboiñoĩ, opaite henta'õre ñymbatyseaipi. Mba'ety ñemiapeĩ aijetaheva.

Lucas 4:21

Jesús õñepyrõ heishu reta: Ã'ẽ ikoma kova mbyparaha vekua pynynonde.

Lucas 2:39

Hãma opama japo ñee mbyparahava Ñandeja heivarã jyrahajy Galileape, hentare Nazaretpe.

Lucas 4:15

Pyrỹmboi Judiore ñymbatyseape, hareka opavare õmombaishu.

Lucas 4:17

Hãrã meẽshu reta Tũpa ĩñee mbeu'ia Isaias mbypara vekua, haivi pearã vãheshu heiva:

Lucas 4:23

Jesús heishu reta: Ĩmerã pereposhe pente ñee ñymyhã'ãnga heiva: “Pyrypyhano'ia, ndeii ñymynguera”; “Heta mbai henduha rijapo vekua Capernaumpe, japo jyve ko ndy'yvype”.