Lucas 4:15 - NandevaBiblia

¹⁵ Pyrỹmboi Judiore ñymbatyseape, hareka opavare õmombaishu.

Lucas 4:15 Referans Kwoze

Mateo 4:23

Jesús opa vatahupi Galileape, Judiore ñymbatyseape pyrỹmboihe Ñee kaviva mbeu Mburuvisha vasurã vate araivi ouva ryheva, kuareta ñymbairasy vekuare opa mynguera.

Mateo 9:8

Kuaretare hesha kovarã kyje, hãrã õmombaishu Tũpa meẽshurã rehe mbaikatu kuaretare”.

Lucas 13:10

Pente putu'uava jy'arape Jesús pyrỹmboi Judiore ñymbatyseape;

Marcos 1:45

Tẽvã ko kuimbai ohojymarã, mbeu raha mbaivara ikohe; hãrã hai rehe Jesús katuvẽã iche ijeshakajy tenta retaipi, koñeĩ yvy ikoambaipi iko. Haipe opaivi ohovare oho hai ẽvãpe.

Marcos 1:39

Kyrã Jesús vata'i opaite Galileaipi, ñimiñee'i Judiore ñymbatyseape hareka mohẽ mbaiposhyre.

Marcos 1:27

Opaiteva haipe'iare kyje, õñepyrõ pyrãndu ijupe reta: Mbaivarajy kova? Marã pyrỹmboi py'ahuvarajy? Ko kuimbai rãnga, mbaiposhy retave japoshu hai heiva!

Mateo 13:54

hãrã vãhẽ oho jypyiterã iko'i vekuaipi. Haipe õñepyrõ pyrỹmboi Judiore ñymbatyseape hendu verã Tũpa ĩñee. Opava mbyrymaĩ retarã hei: Mãĩvira nohẽ kova mbai kuava? Mbaiva rupiira japo mbaikavi heshaha verã?

Mateo 9:35

Jesús vata opaite tentamire'õĩpi, hareka tenta vasu retaipi pyrỹmboihe Ñee kaviva Judiore ñymbatyseape mbeu Mburuvisha vasurã vate araivi ouva ryheva, hareka mynguera ñymbairasyvare.

Lucas 4:16

Jesús oho Nazaretpe, mbykuakuaa vekuape, hareka putu'uava jy'arape iche Judiore ñymbatyseape hai jypykuava rãĩmi, hãrã ñymboyrã mbijeta mbypara vekua.