Lucas 3:3 - NandevaBiblia

³ haivi Juan oho opaite yvy Jordanpi ñimiñee kuareta retape oujy verã Tũpa kyty, ñymyngarairã mbai porãmba hejahareishi verãre;

Lucas 3:3 Referans Kwoze

Lucas 1:77

Hãma henta ĩrũre rymbykuaakapo mbai porãmba japo vekuare Tũpa hejareimashi hareka mondojepema.

Hechos 22:16

Hãmera ã'ẽ, mbaiva ryhãrõ? Pũ'ã hareka ñymyngarai hareka jurureshu Ñandeja hejareindyhevi verã mbai porãmba vekua”.

Hechos 19:4

Pablo heishu reta: Ãñete rãnga Juan myngarai opaite heko porãmba vekuaivi ñymbeujy vekuare, tẽvã heishu kuaretare jyrojahe verãkui hai haykue ou verã, hokava jaishu Jesús.

Hechos 13:24

Hãrã Jesús ndeiteri ourã, Juan ñĩmĩñeembashu opaite Israelitavare heishu reta ñymbeujy hareka ñymyngaraika verã.

Juan 3:26

Haivi haire oho heishu Juan: Pyrỹmboi'ia, kueve yy syryva Jordan hyvache rikori hãndi vekua, hareka rijeta kavirihea, ã'ẽ pyrỹmyngaraima'i jyve hareka opavare ou hai ẽvãpe.

Mateo 3:11

Añete yypeĩ apyrỹmyngarai pyhejama mbai porãmba pijapo vekuarã. Tẽvã shaykue ouva pynymyngaraipokui Espiritu Santo hareka tatape, hai mbai vasuve shyhevi, jypasaĩmba katu ajorashua.

Juan 1:28

Opaite kova mbai iko tenta Betaniape, ysyryva Jordan hyvaisho kyty, Juan pyrỹmyngarai'i vekuape.

Lucas 1:16

Heta Israelpe'õre nohẽjypo mbai porãmba vekuaivi haire Ija Tũpa hape kyty.

Lucas 4:1

Jesús Espiritu Santo tynyhe ryheve, oujy ysyryva Jordanvi hãrã Espiritu Santo rahashu yvy ikoambaipi.